THANK YOU, MR. PRESIDENT. THANK YOU, MAJORITY LEADER. (THANK YOU) DISTINGUISHED COLLEAGUES. UNANG UNA SA LAHAT NAIS KONG BATIIN AT I-CONGRATULATE ANG ATING KASAMAHAN NA SI SENATOR JOEL VILLANUEVA SA PAG SPONSOR NG ISANG PANUKALANG BATAS NA LONG OVERDUE. GAYA NG NABANGGIT NIYA, 1955 PA NOONG ITO’Y NAGING BATAS – ANG SECRECY OF BANK DEPOSITS ACT AT IBANG IBA NA ANG MUNDO SA NGAYON.
NAKATINDIG TAYO NGAYON, MGA KASAMAHAN NATIN SA SENADO, PARA I-CO-SPONSOR ANG ISANG SOLUSYON KONTRA KORAPSYON. ISANG PANUKALANG PAHIHIRAPIN ANG PAGNANAKAW SA KABAN NG BAYAN AT PADADALIIN ANG PAGHULI SA MGA MAGTATANGKA: ANG BANKING REFORM FOR INTEGRITY, GOOD GOVERNANCE, HONESTY, AND TRANSPARENCY, O BRIGHT ACT. MAS MADALI NA PONG MAHUHULI ANG MGA SALARIN DAHIL KAPAG NAIPASA ANG BATAS NA ITO, MAS MADALING, IKA NGA, ‘FOLLOW THE MONEY’.
NILALAYON NG PANUKALANG ITO NA PALAWAKIN ANG SAKLAW NG PAGSISIWALAT SA MGA BANK AT FINANCIAL DEPOSITS. GUSTO RIN NITONG IPAWALANG-BISA ANG LUMANG PROBISYON NG BANK SECRECY LAW.
SA LOOB NG PITUMPUNG TAON, HALOS GANAP ANG BANK SECRECY SA ATING BANSA. MAKABULUHAN ITO NOONG ISINABATAS NOONG 1955. ANG LAYUNIN NOON AY KUMBINSIHIN ANG MGA KABABAYAN NATIN NA MAGTIWALA SA MGA BANGKO. NA HUWAG MAG-IMPOK SA KANILANG MGA APARADOR, BAÚL, O LATA, O ‘DI KAYA SA KAWAYAN, O KAYA SA ILALIM NG KAMA. MAY KATUTURAN ITO NOONG HINDI PA LAGANAP ANG PANDAIGDIGANG INDUSTRIYA NG MONEY LAUNDERING AT OFFSHORE LOOT.
PERO WALA NA ITONG IBIG SABIHIN NGAYON. SABI NGA NG MGA EKSPERTO, NAGING PANANGGA LANG ANG BATAS PARA TULUNGAN ANG KATIWALIAN, TAX EVASION, AT IBA PANG MGA KRIMENG NA MAY KINALAMAN SA PANANALAPI.
NGUNIT, KALAKIP DAPAT SA PAGPASA NATIN SA PANUKALANG BATAS NA ITO ANG MASUSING LIFESTYLE CHECK UPANG MAS MADALING MAKIKITA O MASUSUNDAN ANG PERA, NA MAAARING MAHANTONG SA PAGPAPALIWANAG DIN NG UNEXPLAINED WEALTH.
KINAKAILANGAN DING PAIGTINGIN ANG IMBESTIGASYON AT ANG AGARANG PAGSASAMPA NG MGA KASO, KASABAY NG MGA REPORMANG MAGWAWAKAS SA HINDI KATANGGAP-TANGGAP NA KALAGAYAN NG MGA NAKABINBING MGA KASO NA INAABOT HINDI LAMANG NG MARAMING TAON, HINDI LAMANG NG DEKADA, KUNG HINDI NG MARAMING DEKADA.
HANGGA’T NANANATILING MABAGAL AT HINDI TIYAK ANG HUSTISYA, NAWAWALAN NG BISA ANG DETERRENT EFFECT NG BATAS, AT PATULOY NA LUMALAKAS ANG LOOB NG MGA LUMALABAG DITO.
MABUTING PAG-ARALAN KUNG MAISASAMA ANG MGA NAKATAGONG ARI-ARIAN, KATULAD NG SHELL COMPANIES, ANG ‘IKA NGA’Y PAGLALABA NG PERA SA CASINO, AT KAHIT NA SA CRYPTO, HINDI PA RIN MAGBABAYAD ANG MAYSALA.
DAHIL SA MARAMING ANOMALYA SA GOBYERNO, SINASAGOT NATIN ANG MGA TANONG NG MGA LIGAL NA KASANGKAPAN PARA ‘IKA NGA AY, NABANGGIT KO KANINA, MASUNDAN ANG PERA. FOLLOW THE MONEY. MASUNDAN AT MABAWI.
TULAD NG MGA PINAKAMALILINIS NA BANSA SA MUNDO SA USAPIN NG KATIWALIAN — DENMARK, NEW ZEALAND, AT ANG KAPIT-BANSA NATING SINGAPORE. LAHAT SILA PINAPAYAGAN ANG MGA REGULATOR AT MGA AWTORIDAD SA BUWIS, NA BULATLATIN ANG MGA NAKATAGONG LIHIM SA MGA BANGKO KAPAG HINIHINGI NG PUBLIC INTEREST.
MGA KASAMA, HINIHINGI KO ANG INYONG SUPORTA PARA SA BRIGHT ACT, ISANG NAPAKATAGAL NANG HINIHINGING UPGRADE NG ISANG KRITIKAL NA BAHAGI NG ATING DEPENSA KONTRA-KORAPSYON. KONTRA-TAX EVASION.
MARAMING SALAMAT.