THANK YOU SENATE PRESIDENT GATCHALIAN, DEAR COLLEAGUES, I RISE TO CO-SPONSOR SENATOR JOEL VILLANUEVA’S SENATE RESOLUTION NUMBER 447. IN TIMES OF CALAMITY, THE SENATE MUST SPEAK AS ONE. I COMMEND SENATOR JOEL VILLANUEVA FOR HIS QUICK THINKING AND HIS SWIFT LEADERSHIP ON THIS RESOLUTION, WHICH REFLECTS SENATE’S SHARED DUTY TO HELP MINDANAO RECOVER, REBUILD, AND PROSPER.
STRATEGIC NATIONAL PRIORITY ANG MABILIS AT TULOY-TULOY NA PAGBANGON NG MINDANAO MULA SA LINDOL NOONG HUNYO 8. BAKIT? DAHIL NASA MINDANAO ANG HUMIGIT-KUMULANG ONE-THIRD NG PINAKAMAHIRAP NATING MGA KABABAYAN HABANG 40% NG FOOD SUPPLY NG ATING BUONG BANSA AY GALING DITO. PINAKAMALAWAK NA PRODUKTO NG NIYOG, PINAKAMALAWAK NA COCONUT FARM SA BUONG PILIPINAS AY NASA MINDANAO. 30% OF THE NATIONAL FOOD TRADE COMES FROM MINDANAO. FOOD BASKET NG PILIPINAS ANG MINDANAO, IT IS ALSO ONE OF OUR MOST DYNAMIC GROWTH FRONTIERS.
MARAMING MGA TAHANAN, PAARALAN, OSPITAL, KALSADA, TULAY, MGA SISTEMA NG KURYENTE AT TUBIG, AT IBA PANG MAHAHALAGANG IMPRASTRAKTURA ANG NASIRA SA DAVAO REGION AT SOCCSKSARGEN.
KUNG HINDI ITO AGAD-AGAD AT SAPAT NA MATUTUGUNAN, MAS LALAKI ANG PINSALANG DULOT SA AGRIKULTURA, PANGINGISDA, LOGISTICS, AT MGA LOKAL NA NEGOSYO. TATAGAL ANG PAGHIHIRAP NG MGA APEKTADONG PAMILYA. AT MALALAGAY RIN SA ALANGANIN ANG PAMBANSANG SEGURIDAD SA PAGKAIN AT KATATAGAN NG ATING EKONOMIYA.
ANG SENATE BILL NUMBER 2259 NG INYONG LINGKOD, NAGLALAAN NG 15 BILLION PESOS IN SUPPLEMENTAL FUNDING. NILALAYON NITO NA MAIBALIK ANG MAHAHALAGANG SERBISYONG PAMPUBLIKO, MAISAAYOS AT MAPATATAG ANG MGA KRITIKAL NA PASILIDAD, AT MAIBANGON ANG KABUHAYAN NG ATING MGA MAGSASAKA, MANGINGISDA, MANGGAGAWA, AT MALILIIT NA NEGOSYO — LAHAT, LUBHANG APEKTADO NG LINDOL.
SA PAGSUPORTA SA P.S. RESOLUTION NUMBER 447 NI SENATOR JOEL AT SA ATING SENATE BILL 2259, PINAGTITIBAY NG SENADO NA NASA INTERES NG BUONG PILIPINAS ANG PAGBANGON NG MINDANAO. DAHIL PAGPROTEKTA ITO SA ATING SISTEMA NG PAGKAIN, PANGANGALAGA SA MGA TRABAHO, AT PAGPAPATATAG O PAGPAPABAGSAK NG PRESYO NG MGA BILIHIN.
SA SAMA-SAMANG PAGKILOS, BUBUO TAYO NG ISANG MINDANAO NA MAS MATATAG, MAS LIGTAS, AT MAS HANDA, GAYUNDIN ANG BUONG BANSA. KAISA NATIN ANG MINDANAO, AT HINDI NATIN IIWAN ANG MGA KABABAYAN NATIN DITO.
MARAMING SALAMAT PO. ##