THANK YOU MR. PRESIDENT, DISTINGUISHED COLLEAGUES, I RISE TO CO-SPONSOR SENATE CONCURRENT RESOLUTION NUMBER 8, WHICH SEEKS TO ADOPT THE NATIONAL EDUCATION AND WORKFORCE DEVELOPMENT PLAN (2026–2035), AS THE TEN-YEAR POLICY FRAMEWORK OF THE NATIONAL GOVERNMENT, BASED ON THE FINDINGS AND RECOMMENDATIONS OF EDCOM II.
ANG DOKUMENTONG ITO AY KOLEKTIBONG PAG-AMIN NA KUMBAGA’Y NAGHIHINGALO NA ANG ATING SISTEMA NG EDUKASYON. AT KAILANGAN NA NATING KOLEKTIBONG PANINDIGAN NA IBANGON AT AYUSIN ITO.
KINUKUMPIRMA NG EDCOM II ANG MGA MATAGAL NANG PROBLEMA NG ATING SISTEMA SA EDUKASYON: PUNONG-PUNO ANG MGA CLASSROOM, PAGOD NA PAGOD ANG MGA TITSER, AT MGA ESTUDYANTENG PUMAPASA KAHIT HALOS WALANG NATUTUNAN.
MALINAW ANG SINASABI NG RESOLUSYON, DAPAT NANG ISALBA ANG NAGHIHINGALONG SEKTOR NG EDUKASYON. BATAYAN NG KINABUKASAN NG BUONG BANSA ANG EDUKASYON.
KAPAG HINDI NAKAKABASA ANG BATANG NASA GRADE 3 O HINDI MAKAGAWA NG BASIC MATH ANG NASA HIGH SCHOOL, SINUSUMPA NATIN SA PAGKAKAKULELAT ANG ATING MGA ANAK AT NG ATING BANSA.
BAWAT TAON NA PINATATAGAL ANG REPORMA, SINUSUMPA NATIN ANG ATING MGA KABATAAN SA ISANG KINABUKASANG MAHIRAP ANG TRABAHO (AT) MABABA ANG SWELDO O KITA. SINUSUMPA NA RIN NATING IWAN TAYO NG MAS MAUNLAD NATING MGA KARATIG-BANSA.
GINAGAWANG MANDATO NG EDCOM II ANG MGA EBIDENSYA: MAHIHINANG PUNDASYON SA MGA UNANG TAON NG ATING MAG-AARAL, KULANG-KULANG NA SUPORTA SA ATING MGA GURO, AT ISANG SISTEMANG GINAGANTIMPALAAN ANG PAGSUNOD SA (MGA) ALITUNTUNIN — HINDI ANG AKTWAL LEARNING O PAGKATUTO.
SA ATING PAGPAPATIBAY NG RESOLUSYONG ITO, SINASABI NATIN: NAKIKINIG TAYO SA EBIDENSYA, AT TINATANGGAP NATIN ANG RESPONSIBILIDAD SA PAG-AAYOS NG SISTEMA. HINDI LANG SISIHAN.
LUMILIKHA ANG RESOLUSYONG ITO NG PANGMATAGALANG ROADMAP NA HINDI LANG NALILIMITA SA ISANG ADMINISTRASYON O PANGULO, KALIHIM O MAMBABATAS. TATAGAL NG ISANG DEKADA ANG MGA MUNGKAHING REPORMA SA EDUKASYON. AT INA-ANGKLA NATIN ANG MGA REPORMA SA ISANG MALINAW AT TIME-BOUND NA PLANO. SA PAGPAPATIBAY NG PAREHONG KAPULUNGAN NG KONG-GRESO, BINIBIGYAN NATIN ANG BUONG SISTEMA NG PAGKAKATAONG LUMABAN KAHIT MAG-IBA-IBA PA ANG HANGIN NG PULITIKA IKA NGA.
TAPOS NA ANG TRABAHO NG EDCOM II, UMPISA NA ANG TRABAHO NATIN. ITUTUGMA NA NATIN ANG MGA PANGAKO SA ILALAANG BADYET. IPAPATUPAD NA NATIN ANG MGA BATAS NA MAGBABANGON AT MAGPAPATIBAY NG ATING SISTEMANG EDUKASYON. NAUMPISAHAN NA NATIN ANG MGA SUMUSUNOD:
MAS MATAAS NA PUHUNAN PARA SA EARLY CHILDHOOD NUTRITION, LALO NA SA FIRST 1,000 DAYS NG ATING MGA MAG-AARAL SA PAMAMAGITAN NG SCHOOL-BASED FEEDING PROGRAM AT (NG) SUPPLEMENTAL FEEDING PROGRAM.
ANG MADALIANG PAGTUGON SA MGA BACKLOG SA CLASSROOM AT KASIKIPAN NG MGA PAARALAN, SA PAMAMAGITAN NG PUBLIC-PRIVATE PARTNERSHIPS AT YUNG CLASSROOM ACCELERATION PROGRAM.
AT ANG PAGTAAS HANGGANG FOUR PERCENT NG GDP (GROSS DOMESTIC PRODUCT) ANG BUDGET PARA SA EDUKASYON.
MARAMI PANG REPORMA ANG KAILANGANG I-INSTITUTIONALIZE. PERO TAGOS SA LAHAT NG MGA MUNGKAHING ITO ANG PAGLINIS SA BURUKRASYANG LITERAL NA NINANAKAW ANG PONDONG NAKALAAN PARA SA ATING MGA MAG-AARAL AT MGA GURO. NINANAKAW ANG KINABUKASAN NG BAWAT ISA SA ATIN, NINANAKAW ANG KINABUKASAN NG PILIPINAS.
SA PAMAMAGITAN NG ATING SAMA-SAMANG PAGKILOS, WALANG PROBLEMA NA HINDI NATIN MAAARING LAGPASAN.
SALAMAT, GINOONG PANGULO. SALAMAT, MGA KASAMA. ##