GOOD MORNING. TODAY IS OUR THIRD HEARING ON THE PRIVILEGE SPEECHES DELIVERED LAST AUGUST OF SENATOR RAFFY TULFO ON THE RICE TARIFFICATION LAW AND OUR OWN ON AGRICULTURAL AND FOOD CRISES.
IF YOU REMEMBER, KUNG MAAALALA NIYO, SA IKALAWANG PAGDINIG NOONG SEPTEMBER 15, HUMARAP SA ATIN SI DEXTER JUALA, ISANG VEINTE-TRES ANYOS NA FOOD PANDA RIDER SI DEXTER NA AYON SA MGA OPISYAL NA REKORD NG BUREAU OF CUSTOMS AY MAY-ARI NG EPCB CONSUMER GOODS TRADING — ANG KUMPANYANG NAGTANGKANG MAKAPASOK SA PORT OF SUBIC NG KATORSENG CONTAINER NG SMUGGLED CARROTS, SIBUYAS, AT FROZEN FISH NAGKAKAHALAGANG MILYON-MILYONG PISO. SABI NGA FROZEN FISH PERO ANG NABANGGIT NGA NI SENATOR JV EJERCITO NOONG NAKARAANG HEARING, OBVIOUS NA HINDI BIG FISH SI MR. JUALA, SCAPEGOAT O DUMMY SIYA NG MGA SINDIKATONG KAYANG BUMUO NG PEKENG KUMPANYA, KUMUHA NG PIRMA NG KUNG SINO-SINO, AT IPASA ANG PANANAGUTAN SA KANILA.
SA KASO NI LUJIN TENERO, BROKER NG 1024 CONSUMER GOODS TRADING, SIYA ANG PUMIRMA NG IMPORT ENTRY DOCUMENTS PARA SA SMUGGLED FROZEN MACKEREL NA MAY HALAGANG 68 MILLION PESOS. PERO ANG NAKALAGAY SA DEKLARASYON AY 40 MILLION PESOS AT CHICKEN POPPERS DI UMANO ANG LAMAN. NANG TANUNGIN KUNG SINO SI “MR. CARLOS” DAHIL SABI NI MR. LUJIN TENERO, ISANG “MR. CARLOS” ANG KAUSAP NIYA PARA PUMIRMA — TAGA BUREAU OF CUSTOMS DAW NA NAG-UTOS SA KANYA, PERO HINDI NIYA ALAM ANO APELYIDO NI CARLOS.
TULAD NG SINABI NATIN NOON, PAANONG HINDI MAKIKILALA ANG TAONG KAUSAP SA MILYON-MILYONG PISONG TRANSAKSYON? 40 MILLION PESOS, IF I’M NOT MISTAKEN. PIPIRMA KA SA MGA DOKUMENTO SA HALAGANG 40 MILLION PESOS HINDI MO KILALA SINO NAGPAPIRMA SA’YO, HINDI KAPANIPANIWALA.
NILARAWAN NATIN SA NAKARAANG HEARING ANG BULOK NA SISTEMA NG SMUGGLING. ANG SISTEMA KUNG SAAN ANG MGA MALILIIT AY GINAGAWANG PANANGGA, AT ANG MGA NASA LIKOD (NITO) AY PATULOY NA YUMAYAMAN SA PAWIS NG ATING MGA MAGSASAKA AT MANGINGISDA, AT NG ATING MGA KONSUMER O MAMIMILI.
SA KABILANG BANDA, MALINAW ANG BATAS. MAY NGIPIN ANG REPUBLIC ACT NO. 12022, O ANG ANTI-AGRICULTURAL ECONOMIC SABOTAGE ACT. MAY PONDO PA NGA: 500 MILLION PESOS, AT TATLONG BESES KO NANG FINOLLOW UP ‘TO SA DBM AT PATI SA PRESIDENTE MISMO.
AYON SA BATAS, ANG OFFICIAL CONSIGNEE AY MAAARING MAKULONG NG HABAMBUHAY AT MULTAHAN NG LIMANG BESES NG HALAGA NG MGA SMUGGLED GOODS. GANITO KABIGAT ANG PANANAGUTAN. KASO BAKIT HINDI GANOON KABIGAT ANG PAGKILOS NG AHENSYA NG PAMAHALAAN?
MAANGAS ANG BATAS, DAPAT MAANGAS RIN ANG GOBYERNO MAGPROTEKTA SA ATING MGA MAMIMILI, AT SA ATING MGA MAGSASAKA, AT SA ATING MGA MANGINGISDA.
MABIGAT ANG PANANAGUTAN NG MGA MASTERMIND, ANG LIMPAK-LIMPAK ANG KINIKITA SA SMUGGLING.
ANG MGA MAY-ARI O UMUUPA NG WAREHOUSE, COLD STORAGE, PORT O TRUCK NA GINAGAMIT SA SMUGGLING — MAAARING MAKULONG NG TWENTY HANGGANG THIRTY YEARS AT MULTAHAN NG HANGGANG TATLONG BESES NG HALAGA NG GOODS. SA USAPING 40 MILLION, TIMES FIVE, 200 MILLION ANG MULTA. TIMES THREE, 120 MILLION ANG MULTA. NAGKULANG BA ANG MGA GUMAWA NG BATAS? SAAN NAGKULANG? AND THAT IS WHY THE SENATE EXERCISES OVERSIGHT FUNCTIONS WHICH IS WHEN WE PASS THESE LAWS, WE WILL HAVE TO MONITOR HOW THESE LAWS ARE IMPLEMENTED. AND UNFORTUNATELY SINCE 2016 OR ALMOST 10 YEARS, WALA PANG NAKUKULONG NA MALAKING SMUGGLER KAHIT NON-BAILABLE NA NUN ANG ECONOMIC SABOTAGE OF AGRICULTURE PRODUCTS SA HALAGANG 10 MILLION PESOS.
MABIGAT DIN PARA SA MGA OPISYAL NG PAMAHALAAN NA TUMUTULONG, KASABWAT, NAGBULAG-BULAGAN, O NAKIKINABANG SA SMUGGLING — HABAMBUHAY NA PAGKAKAKULONG, HABAMBUHAY NA DISKWALIPIKASYON SA SERBISYO PUBLIKO, AT PAGKUMPISKA OR FORFEITURE NG ARI-ARIAN.
SILA ANG NARARAPAT AT DAPAT HABULIN — HINDI ITONG MALILIIT NA KINAKASANGKAPAN LAMANG. AYOKONG IKULONG ANG MGA MALILIIT. HINDI DAPAT KINUKULONG LANG YUNG MGA ACCOMPLICE O YUNG MGA MAS MALILIIT NA ISDA. WALANG HUSTISYA DUN. ANG MGA PINUNO NG SINDIKATO, LALO NA ANG MGA NASA GOBYERNO. SILA ANG DAPAT MANAGOT.
ANG MGA MAY DIREKTANG KINALAMAN SA PAG-SMUGGLE, PAGTAGO, PAG-TRANSPORT, PAGBENTA, PAG-HOARD, PAG-KUNTSABA SA PAGPEKE NG MGA PAPELES AT KUNG ANU-ANO PANG ECONOMIC SABOTAGE ACTS. ANG DAMING PWEDENG SAMPAHAN NG KASO. WALA PANG NASASAMPAHAN NG KASO, O (KUNG) MERON MAN, TATLO O APAT ATA PERO WALANG NAKUKULONG NA MALAKING BIGTIME NA SMUGGLER O IMPORTER. WALA. WALA PA. SANA BAGO MAGTAPOS ANG TAON (MAY MAKULONG).
ANG MGA TAONG GOBYERNO, HINDI ORDINARYONG MAMAMAYAN. SILA ANG MGA TAONG BINABAYARAN NATIN PARA BANTAYAN ANG KAPAKANAN NG TAUMBAYAN.
ANG KANILANG KASALANAN AY HIGIT PA SA SMUGGLING — ITO AY PAGTALIKOD SA SINUMPAANG TUNGKULIN NA PROTEKTAHAN ANG ATING MGA MAGSASAKA AT MANGINGISDA, AT ANG ATING ISANG DAANG MILYON NA HIGIT NA MAMIMILI.
AT TANDAAN NATIN — HINDI SA BIGAT NG PARUSA NASUSUKAT ANG HUSTISYA, KUNDI SA BILIS AT KATIYAKAN NG PAGPATAW NITO.
SAPAGKAT ANG PARUSANG MABAGAL AY PARA NA RING WALANG PARUSA.
ANG BATAS, GAANO MAN KATINDI, AY MAGIGING WALANG SAYSAY KUNG HINDI ITO AGAD IPINAPATUPAD.
SA MGA NAKARAANG PAGDINIG, HUMINGI TAYO NG MARAMING DOKUMENTO (MULA SA) BUREAU OF CUSTOMS, IMPORT RECORDS, APPLICATIONS FOR PERMITS, BROKER LICENSES, AT IBA PA.
ANO ANG SINASABI NG MGA DOKUMENTONG ITO?
PARA SA PAGDINIG NA ITO, DITO TAYO MAGTUTUON.
SA MGA ISINUMITENG EBIDENSYA. SA MGA TRANSAKSYONG MAGDUDUGTONG SA MGA DUMMY AT SA TUNAY NA UTAK NG MGA NASA LIKOD NA KAMADANG SINDIKATO. SA MGA TRAIL NA MAGTUTURO SA MGA OPISYAL NA KUMITA HABANG BUMABAGSAK ANG PRESYO NG PALAY, SIBUYAS, AT ISDA SA MERKADO.
MAGANDANG UMAGA SA KANILANG LAHAT