MAGANDANG UMAGA SA KANILANG LAHAT. THANK YOU FOR THIS HEARING, TO OUR COLLEAGUE – SENATOR RISA, THE NEW CHAIRPERSON OF THE COMMITTEE ON ELECTORAL REFORMS.
KASAMA ANG AKING PANUKALANG BATAS, MAY KABUUANG ANIM NA ANTI-DYNASTY BILLS ANG NAIHAIN NA SA SENADO. ILANG KASAMAHAN NATIN ANG NAG-UUGNAY SA PATULOY NA PAG-IRAL NG POLITICAL DYNASTY SA MGA HAMON SA ATING DEMOKRASYA, KABILANG ANG HINDI PAGKAKAPANTAY-PANTAY AT MGA SULIRANIN SA PAMAMAHALA, GAYA NG ELITE CAPTURE, PATRONAGE POLITICS, KATIWALIAN, AT HUMIHINANG SISTEMA NG CHECKS AND BALANCES.
NOONG LEDAC MEETING NOONG NAKARAANG BUWAN, NAGSABI NA RIN ANG PANGULO NA GUSTO NIYANG I-PRIORITIZE ANG NATURANG ISYU.
DAGDAG PA, MATAGAL NANG INUUTOS ITO NG SALIGANG BATAS. THIS COMING FEBRUARY 2, THIRTY-NINTH ANNIVERSARY NG RATIFICATION NG PHILIPPINE CONSTITUTION — NA INAPRUBAHAN NG 77 PERCENT NG ATING POPULASYON. MULA NOON, DOSE-DOSENA NANG MGA PANUKALANG BATAS TUNGKOL DITO ANG NA-IFILE. NOONG 18TH CONGRESS, NUNG AKO ANG CHAIRMAN NG COMMITTEE ON CONSTITUTIONAL AMENDMENTS, NA-APRUBAHAN SA COMMITTEE LEVEL ANG ISANG ANTI-DYNASTY MEASURE. NA-SPONSOR NATIN SA FLOOR, MAJORITY OF THE MEMBERS OF THE COMMITTEE ENDORSED THE ANTI-DYNASTY BILL HERE IN THE SENATE AT THAT TIME. NAGKULANG LAMANG SA ORAS.
HIGIT SA LAHAT, SA USAPING ANTI-DYNASTY MAY CLAMOR PARA RITO. BATAY SA PULSE ASIA SURVEY NOONG KALAGITNAAN NG DISYEMBRE, MAHIGIT KALAHATI NG MGA PILIPINO ANG NANINIWALANG ANG ISANG ANTI-DYNASTY LAW AY MAKAKATULONG SA PAGTUGON SA MALAKAWAN AT SYSTEMIC NA KORAPSYON SA GOBYERNO. MALAWAKAN. UNPRECEDENTED. PINAKAMALAKING CORRUPTION SCANDAL SA KASAYSAYAN NG ATING REPUBLIKA.
PERFECT TIMING ITO PARA UGATIN ANG MGA PROBLEMA, ISULONG ANG MGA SOLUSYON, YUNG CONCENTRATION NG KAPANGYARIHAN AT KAYAMANAN SA PILIPINAS. BIBIGYANG PUWANG DIN NITO ANG MAY KAKAYAHAN AT TUNAY NA MAY MALASAKIT SA PAGLILINGKOD-BAYAN. ‘LEVEL THE PLAYING FIELD’, ‘IKA NGA. BIBIGYANG PUWANG ANG ‘IKA NGA’Y NEW BLOOD PARA SA NEW OLD PROBLEMS DI LANG NG BANSA, KUNDI NG ATING BUONG MUNDO.ARAW-ARAW ANG MAYORYA NG ORDINARYONG MAMAMAYANG PILIPINO AY LUMALABAN NG PATAS PARA MABUHAY. SA BUKID, SA KARAGATAN, SA TRABAHO, SA OPISINA, SA NEGOSYO. SUBALIT SA LARANGAN NG POLITIKA, HINDI PATAS ANG LABANAN. LALO NA’T ‘PAG BUONG ANGKAN ANG KALABAN NG IISA O IILANG KANDIDATO. HINDI ITO MAKATARUNGAN. HINDI ITO DEMOKRATIKO. DAPAT BAGUHIN ITO. AT ‘YAN NGA ANG LAYUNIN NG ATING HEARING NGAYONG UMAGA. AYUSIN NA AT ISULONG AT MAIPASA NA ANG MAKABULUHAN AT MAKASAYSAYANG ANTI-DYNASTY MEASURE. ####