MAGANDANG HAPON SA INYONG LAHAT. NGAYONG HAPON NA ITO SUSURIIN NATIN ANG BUDGET 2026 NG NATIONAL IRRIGATION ADMINISTRATION, ANG AHENSYANG LITERAL NA DINIDILIGAN ANG MGA LUPANG SINASAKA NG ATING MGA MAGSASAKA. HINDI NA BAGO SA ATIN ANG NATIONAL IRRIGATION ADMINISTRATION, DATI AKONG UMUPO BILANG CHAIRMAN NG INYONG BOARD – 2014-2015. SA ILALIM NG ADMINISTRASYONG BENIGNO AQUINO III. SO PAMILYAR TAYO SA MGA ISYU AT USAPIN NG NATIONAL IRRIGATION ADMINISTRATION.
SA 256.5 BILLION PESOS NA NAKALAAN SA AGRIKULTURA PARA SA SUSUNOD NA TAON, 45.1 BILLION (PESOS) — O HALOS 18 PORSYENTO — ANG DADALOY SA IRIGASYON. HALOS 1/5 NG TOTAL BUDGET NG AGRI AY NASA NIA.
AYON SA PRESIDENT’S MESSAGE, 32 BILLION PESOS ANG GALING SA NIA, (AT) 720 MILLION PESOS NAMAN SA D.A. ANG MAGPAPATUBIG SA MAHIGIT DALAWANG MILYONG EKTARYA NG LUPANG SAKAHAN. MAY 500 MILLION PESOS PA PARA SA UPLAND AT MALILIIT NA WATER-IMPOUNDING PROJECTS.
ALAM NATING LAHAT: KAPAG DUMADALOY ANG TUBIG, MAS MASAGANA ANG ANI. KAPAG WALANG TUBIG, WALANG TUTUBO. MULA SA BIGAS HANGGANG SA MAIS HANGGANG SA GULAY, NAGDODOBLE O NAGTITRIPLE PA ANG ANI KAPAG MAY SAPAT NA IRIGASYON. NAKAKA-PANATAG NG LOOB AT KITA NG MAGSASAKA ANG SIGURADONG PAGKUKUNAN NG TUBIG.
ANG TANONG: NAKAKASABAY BA TAYO SA HAMON NG CLIMATE CHANGE? NAGHUHUKAY PA RIN BA TAYO NG MGA KANAL? GAANO KARAMI SA ATING MGA SAKAHAN ANG GUMAGAMIT NG SOLAR PUMP O KAYA SMART IRRIGATION SYSTEM?
AT, TULAD NG MALAYANG PAGDALOY NG TUBIG, DI RIN DAPAT TUMATAGAS ANG TIWALA NG TAUMBAYAN.
PAANO SINISIGURO NG NIA NA ANG BAWAT PISONG BUDGET NITO AY DUMADALOY SA MGA BUKIRIN AT HINDI SA BULSA NG KORAP?
ANG KORAPSYON AT ANG PAMAMAHALA, SABI NGA SA KANTA NG MISIS KO, PARANG TUBIG AT LANGIS — ANG HALO’Y LUHA’T PAGHIHINAGPIS.
KAMAKAILAN LAMANG NAGKAROON NG BALITA NA ISA SA DATING EMPLEYADO NG NATIONAL IRRIGATION ADMINISTRATION AY PINATAY, NAIS DIN NATING MALAMAN ANO NA ANG GINAGAWA NG NIA TUNGKOL DITO SA USAPING ITO? DAHIL BAWAT BUHAY AY MAHALAGA. AT NAIS NATING HANAPAN NG PARAAN KUNG ITO’Y MAYROONG KINALAMAN SA KANYANG TRABAHO SA NIA TUNGKULIN NG NIA NA HANAPAN NG PARAAN PARA MAGKAROON NG HUSTISYA.