NGAYON ANG IKA-ANIM NA PAGDINIG TUNGKOL SA MGA KRISIS SA PAGKAIN AT AGRIKULTURA, AT ANG PAGKAKAUGNAY NG MGA ITO SA AGRICULTURE AND FISHERIES SMUGGLING.
NUNG NAKARAANG PAGDINIG, SENTRO NG DISKUSYON NATIN ANG KONTROBERSYAL NA SUBIC INCIDENT, KUNG SAAN MARAMING REFRIGERATED CONTAINERS NA NA-FLAG NG DEPARTMENT OF AGRICULTURE AY PINALABAS PARA SA “100% INSPECTION” KAHIT NA WALANG FORMAL B.O.C. ALERT ORDER, AT WALANG VERIFIED CONSIGNEE WAREHOUSE SA PUPUNTAHANG ADDRESS. SA TESTIMONYA NG CUSTOMS EXAMINER, ASSESSMENT OFFICIALS, AT SUBIC DISTRICT COLLECTOR, LUMITAW ANG IBA’T IBANG BERSYON KUNG SINO ANG NAG-APRUBA NG RELEASE, SINO ANG NAG-COORDINATE SA D.A., KUNG NAG COORDINATE NGA BA SA D.A., AT BAKIT ISINAGAWA ANG INSPECTION SA LABAS NG PORT PREMISES KAHIT MAY SECURITY CONSIDERATIONS.
PINUNTO NATIN NA ANG CHAIN OF CUSTODY, ANG AUTHENTICITY NG REQUEST LETTERS, AT ANG PAGGAMIT UMANO NG FICTITIOUS CONSIGNEES AY NAGPAPAKITA NG SYSTEMIC LAPSES AT POSIBLENG COLLUSION SA PORT OPERATIONS. HINDI ITO ISOLATED LAPSE —PATUNAY ITO NG ISANG MALAWAK NA OPERASYON NA UMAASA SA MGA BUTAS NG SISTEMA.
NGAYONG INTERNATIONAL HUMAN RIGHTS DAY, DECEMBER 10, BINIBIGYAN NATIN NG DIIN NA ANG AGRICULTURAL SMUGGLING AY HINDI LAMANG ECONOMIC DISTORTION OR SABOTAHE — ITO AY HUMAN RIGHTS ISSUE RIN. ANG RESULTA NITO AY MAHABANG KADENA NG PINSALA SA KARAPATANG PANTAO: SA PAGKAWALA NG KITA NG MAGSASAKA AT MANGINGISDA, SA PAGKALUGI, SA KAWALAN NG OPORTUNIDAD PARA SA MGA MANGGAGAWA, AT SA MGA MAMIMILING NAWAWALAN NG ACCESS SA LIGTAS, MASUSTANSYA, SAPAT AT ABOT-KAYANG PAGKAIN.
SA PAGPASOK NG MGA PAGKAIN NA UNFIT FOR HUMAN CONSUMPTION — BULOK, HINDI LIGTAS, AT HINDI MAN LANG NA-TE-TEST — LUMALABAG TAYO SA BASIC HUMAN RIGHTS: THE RIGHT TO SAFE, NUTRITIOUS, AND AFFORDABLE FOOD, AND THE RIGHT TO FOOD SECURITY. ANG KARAPATAN NA HINDI DAPAT NAGUGUTOM AT MAYROONG SAPAT NA PAGKAIN ANG ATING MGA KABABAYAN. SA PAGBAGSAK NATIN NG PRESYO NG PAGKAING DITO ITINANIM AT INALAGAAN, NAWAWALAN NG DIGNIDAD AT KABUHAYAN ANG MGA PAMILYA SA KANAYUNAN.
SA PAPEL, KINIKILALA NG MGA BATAS ANG ECONOMIC SABOTAGE (AT) MGA KARAPATAN NG MGA MAGSASAKA ANG MGA PROBLEMANG ITO. PERO HABANG HINDI BINABAKLAS ANG KATIWALIAN SA PAGPAPATUPAD NG BATAS, NANANATILING AMPAW NA PANGAKO ANG MGA OBLIGASYON NG ESTADO SA KARAPATANG PANTAO — HINDI (PA) FULLY REALIZED.
KAYA’T HABANG NAGPAPATULOY ANG ATING PAGDINIG, BANTAY ANG SENADO, BANTAY ANG TAUMBAYAN. DAHIL SA ISANG BANSANG HUMIHINGI NG HUSTISYA PARA SA MAGSASAKA, MANGINGISDA, MANGGA-GAWA, AT MAMIMILI, HINDI TAYO PAPAYAG NA ANG SMUGGLING AT KATIWALIAN ANG MAGTAKDA NG PRESYO, MAGDIKTA NG SEGURIDAD, AT MAGPAHINA NG ATING KARAPATAN AT KINABUKASAN.
HANGGA’T BALU-BALUKTOT ANG MGA SAGOT, MAY MANANAGOT.
MARAMING SALAMAT.