MARAMING SALAMAT, MR. CHAIRMAN. MAGANDANG UMAGA PO SA KANILANG LAHAT.
WALA PONG MAY GUSTO NG GIYERA. NO ONE WANTS WAR. YET MANY OF OUR KABABAYAN ARE ANXIOUS — ESPECIALLY THE FAMILIES OF OUR OVERSEAS FILIPINO WORKERS. AT SYEMPRE YUNG DALAMHATI NG ATING MGA KABABAYAN LALO NA’T MERON NA NGA PINSALA AT NAMATAY DITO SA GIYERA SA MIDDLE EAST. TAYO AY NAKIKIRAMAY SA MGA NASAWI O SA NASAWI DITO SA GIYERA SA MIDDLE EAST.
MARAMI ANG NABABAHALA NGAYON—LALO NA ANG MGA PAMILYA NG ATING MGA OFW AT OVERSEAS CONTRACT WORKERS.
MARAMI ANG MGA KWENTONG SUMASALAMIN SA TINATAYANG 2.5 MILYONG NA MGA PILIPINONG MAAARING MAAPEKTUHAN NG KAGULUHAN SA GITNANG SILANGAN—MGA KWENTONG PUNO NG PANGAMBA, PAGHIHINTAY, AT PAG-ASA NG MGA PAMILYA NA ANG TANGING HANGAD AY ANG KALIGTASAN AT PAG-UWI NANG LIGTAS NG KANILANG MGA MAHAL SA BUHAY.
PERO – SABI NGA – HINGA LANG TAYO NANG MALALIM. KAYA TAYO NAG HEAHEARING NGAYON DAHIL NANINIWALA TAYO NA SA SAMA-SAMANG PAGKILOS, SA BAYANIHAN, MALALAGPASAN NATIN ITO.
MAY MGA BAGAY NA WALA SA ATING KONTROL. MAAARI TAYONG MANAWAGAN, MAKIUSAP, MAGHIKAYAT NA ITIGIL ANG PUTUKAN. DAHIL ALAM NATING LAHAT: WALANG PANALO SA GIYERA. LAHAT TALO.
SA RESOLUSYONG ITO, INILALAGAY NATIN ANG MGA RESOLUSYONG HINAHAIN, INILALAGAY NATIN ANGTAO SA SENTRO. PEOPLE, NOT GEOPOLITICS, NOT POWER PLAYS – KUNDI BUHAY NG MGA ORDINARYONG KABABAYAN NATIN.
SA SENSE OF THE SENATE RESOLUTION NA SINUPORTAHAN NG BUONG SENADO, LAHAT NG SENADOR, NANAWAGAN TAYO SA MGA KINAUUKULAN NA UNAHIN ANG PAGPROTEKTA SA MGA SIBILYAN, NA TAHIMIK NA NAGTATRABAHO LANG.
WE CALLED ON THE APPROPRIATE (GOVERNMENT) AGENCIES (D.M.W., D.F.A., OWWA) TO: INTENSIFY TRAVEL ADVISORIES; MAP WHERE EVERY FILIPINO IN AFFECTED AREAS IS LOCATED; UPDATE EVACUATION PLANS, SHELTERS, AND REPATRIATION CORRIDORS; AND COORDINATE WITH HOST GOVERNMENTS AMID AIRSPACE DISRUPTIONS.
TIWALA TAYO NA BASE SA KAKAYANAN AT KARANASAN NINA SECRETARY HANS CACDAC AT SECRETARY THERESA LAZARO — MGA BETERANO NA SA REPATRIATIONS NOONG PANDEMYA AT IBA’T PANG MGA KRISIS.
SA HEARING NA ITO, HINIHILING NATIN NA TAYO AY MALIWANAGAN SA MGA HAKBANG NA GINAGAWA AT GAGAWIN, NA MAIPABOT DIN SA MAS MARAMING KABABAYAN NATIN.
DAHIL INAANGKAT NATIN ANG HALOS LAHAT NG GAMIT NATING PETROLYO. DAHIL GINAGAMIT NATIN SA KUSINA, SA BUKID, SA BANGKA, SA TRICYCLE, (AT) SA DYIP. SA PAGSARA NG STRAIT OF HORMUZ, HALOS TIYAK YUNG PAGTAAS NG PRESYO PETROLYO, NG KRUDO, NG PATABA, NG PESTISIDYO. KAYA HALOS TIYAK DIN ANG PAGTAAS NG PRESYO NG MGA BILIHIN.
NANANAWAGAN TAYO PARA SA NAPAPANAHONG PAG-ACTIVATE AT NAKA-CALIBRATE NA PAGPAPALAWAK NG TARGET NA SUBSIDIYA SA MGA TSUPER NG PAMPUBLIKONG SASAKYAN AT SA MGA NAGPAPAKAIN SA ATIN. IBIG SABIHIN, PAGDIDIREKTA NG TULONG SA MGA JEEPNEY, TRICYCLE, AT DELIVERY DRIVERS, AT SA MGA MAGSASAKA AT MANGINGISDA — MGA KINIKILALA NATING MGA ESSENTIAL WORKERS.
TAHASANG HINIHIMOK NG SENADO ANG GOBYERNO NA IKONSIDERA ANG PANSAMANTALANG PAGSUSUSPINDE O PAGBABAWAS NG EXCISE TAX SA PETROLYO, SA GASOLINA NANG MAY MALINAW NA MGA PARAMETERS. PAGKA BINAWASAN O SINUSPINDE ANG EXCISE TAX, MAAARING BUMABA NG HANGGANG ANIM NA PISO KADA LITRO SA DIESEL, AT SAMPUNG PISO KADA LITRO SA GASOLINA – MALAKING KABAWASAN ITO SA MGA KABABAYAN NATING HIRAP NA HIRAP NA SA GASTUSIN.
INIUUGNAY NATIN ANG MGA HAKBANG NA ITO SA MAS MALAWAK NA TULONG: NAKA-TARGET NA SUPORTA PARA SA MGA EXPORTER DIN NA APEKTADO NG MGA PAGKAGAMBALA SA TRADE AT LOGISTICS.
AT SYEMPRE, GUSTO RIN NATIN ANG PERIODIC REPORTING SA SENADO PARA SA OVERSIGHT. BUKÁS TAYO SA MAAARING KAILANGANIN PANG PONDO PARA SA MGA NASABING GAWAIN.HINDI TIYAK ANG BUKAS. PERO SA AWA NG DIYOS, AT SA SAMA-SAMA NATING PAGTUTULUNGAN, SA SAMA-SAMA NATING BOSES NG PAGTAWAG NG CEASEFIRE AT DE-ESCALATION, SA SAMA-SAMA NATING PAG-AKAY SA PINAKAMALILIIT, MALALAGPASAN DIN NATIN ANG KRISIS NA ITO. MARAMING SALAMAT AT MAGANDANG UMAGA. ##