NOONG NAKARAANG MARTES, IDINEKLARA NG PANGULO ANG STATE OF NATIONAL ENERGY EMERGENCY AT INAPRUBAHAN ANG UNIFIED PACKAGE PARA SA KABUHAYAN, INDUSTRIYA, PAGKAIN, AT TRANSPORTASYON. ANG PANGALAWANG PRAYORIDAD NA NABANGGIT APART FROM YUNG ENERGY AY YUNG AGRICULTURE SA NASABING DEKLARASYON.
INATASAN ANG MGA AHENSYA NG PAMAHALAAN NA MAGLATAG NG AGARANG SOLUSYON UPANG MAIBSAN ANG PASANIN NG MAMAMAYAN. NGUNIT MALINAW NA ANG KRISIS SA ENERHIYA AY DIREKTANG UMAAPEKTO SA PRODUKSYON NG ATING AGRICULTURE PRODUCTS, SA PRESYO NG PAGKAIN MULA SA PRODUKSYON, TRANSPORTASYON, FERTILIZER, PESTISIDYO, LOGISTICS, HANGGANG SA PAGDATING SA PAMILIHAN.
NANDITO TAYO NGAYON SA NUEVA ECIJA, ANG KABISERA NG SIBUYAS SA PILIPINAS. DITO, LIBO-LIBO NA MALILIIT NA MAGSISIBUYAS ANG PATULOY NA NAHAHARAP SA MGA HAMON. HINDI PA MAN PUMUTOK ANG KRISIS SA MIDDLE EAST, MALAKI NA ANG KRISIS SA USAPIN NG ATING AGRIKULTURA AT PAGSISIBUYAS—AT, SA ILANG PAGKAKATAON, AY HINDI NABIBIGYAN NG SAPAT NA PROTEKSYON AT SUPORTA ANG ATING MGA MAGSISIBUYAS MULA SA ILANG SEKTOR, KABILANG NA ANG ILANG NASA PAMAHALAAN.
DITO, MARIRINIG NATIN ANG MGA “KASAMA” (TENANT FARMERS) NA NAGTATANIM NG SIBUYAS SA WALA PANG ISANG EKTARYA. MARIRINIG NATIN KUNG PAANO NILANG IBUWIS ANG LAHAT SA ISANG ANI — PARA LANG BURAHIN ANG KANILANG PAGOD, PAGHIHIRAP, AT KITA NG MGA DAHIL SA MGA NAKIKIPAGSABWATAN PARA BUMAGSAK ANG PRESYO NG SIBUYAS.
AYON SA SENATE RESOLUTION 344 NI SENATOR LOREN, SYSTEMIC ANG PAGBAGSAK NG PRESYO NG SIBUYAS SA OCCIDENTAL MINDORO. HALOS PRODUCTION COST LANG ANG FARM-GATE PRICE NG SIBUYAS. SAMANTALA, MATAAS PA RIN ANG PRESYO NG SIBUYAS SA PALENGKE SA METRO MANILA.
MAY MGA INDIKASYON NA MAS NAKIKINABANG DIN ANG ILANG IMPORTER, TRADER, AT COLD-STORAGE OPERATORS SA SITWASYON, AT MAY MGA PARATANG SA NASABING RESOLUSYON NG POSIBLENG PAKIKIPAGSABWATAN NG ILANG NASA GOBYERNO, KAILANGAN NATING SURIIN ANG MGA ITO.
KADUDA-DUDA NA BAGAMAT NAPAKALINAW NG PATAKARAN NA HINDI DAPAT NAG-O-OVERLAP TUWING (PEAK) HARVEST SA ATING MGA MAGSASAKANG LOKAL, (AT) AYON SA RESOLUSYON 344 MERON PA RING 4,000 METRIC TONS NG IMPORT AT S.P.S. CLEARANCES NA VALID HANGGANG MID-FEBRUARY.
AT AYON SA SENATE RESOLUTION 344, ITONG TONE-TONELADANG SIBUYAS, PINUPUNO NANG MAHIGIT OTSENTA PORSYENTO NG MGA COLD STORAGE. NA-BOBOX OUT ANG ATING MGA LOKAL NA MGA MAGSISIBUYAS. KAYA WALA NA SILANG PUWANG AT NAUUWI KUNG HINDI SA NABUBULOK, AY IBEBENTA NG ATING MGA LOKAL NA MAGSASAKA NG PALUGI SA HALIP NA MABULOK.
KAPAG GANITO, HINDI KA (NA) MAGTATAKA, SINASADYA BA NA WALANG ACCESS ANG ATING FARMERS SA COLD STORAGE, PUMAPASOK ANG IMPORTED NA MGA SIBUYAS AT BUMABABA ANG PRESYO NG FARMGATE.
KAYA NAMAN, 2023 PA LANG, TAON-TAON UMIIYAK AT NAGPRO-PROTESTA ANG ATING MGA MAGSISIBUYAS.
ANG KRISIS SA MIDDLE EAST AY NAGBIBIGAY BANTA SA GLOBAL FUEL SUPPLY, NA MAGPAPATAAS NG LOGISTICS COSTS. SA KONTEKSTO NG ENERGY EMERGENCY, MALINAW NA ANG ATING DEPENDENCE SA IMPORTED FUEL AY MAGPAPATAAS RIN NG GASTOS SA PAGTATANIM, GASTOS SA PAG-AANI, GASTOS SA TRANSPORTASYON, GASTOS SA PAGKAIN—AT KUNG BIBILHIN NG PALUGI ANG MGA GINASTOS NG ATING MGA MAGSASAKA DAHIL SA TAAS NG PRESYO NG KRUDO AT NG IBA PANG PETROLEUM RELATED PRODUCTS AY SAAN NA PUPULUTIN ANG ATING MGA MAGSASAKA. ANG MGA MAGSASAKA, MGA MAMIMILI ANG SASALO. LALONG MAAPEKTUHAN ANG SUPPLY NG PAGKAIN KUNG HINDI NATIN BABANTAYAN ITONG MGA NAGSASAMANTALA AT INAABUSO ANG KRISIS. SABI NGA, HINDI PA NAMAMATAY AY SINUSUNOG NA ANG MGA KALULUWA NG MGA NAGSASAMANTALA SA GITNA NG PAGHIHIRAP NA NANGYAYARI NGAYON SA KRISIS SA MIDDLE EAST AT ANG EPEKTO SA ATING LOKAL NA EKONOMIYA.
WE CANNOT PERSIST IN WANTON IMPORT DEPENDENCE AT THE EXPENSE OF OUR OWN PRODUCERS. WE MUST STRIVE FOR FOOD SELF-SUFFIENCY AND FOOD SUSTAINABILITY.
SA PAGTAPOS NG PAGDINIG NA ITO, KAILANGAN MALINAW ANG MAGIGING KILOS UPANG SUPILIN ANG MGA ANOMALYANG NAG MAMANIPULA NG PRESYO AT NAGPAPABIGAT SA MGA MAGSASAKA AT ATING MGA KONSUMER.
SA HARAP NG ENERGY EMERGENCY, HINDI LANG ITO KRISIS NG SUPPLY—KRISIS RIN ITO NG PAMAMAHALA. HINDI NATIN PAPANAGUTIN ANG MGA NANANAMANTALA, KAPAG HINDI NATIN GINAWA ITO, MAGPAPATULOY ANG PAGHIHIRAP NG ATING MGA MAMAMAYAN. KAYA DAPAT NATING AYUSIN AT HABULIN ANG MGA NAGSASAMANTALA.