MAGANDANG UMAGA SA LAHAT. NAWA’Y NAKAPAG-ALMUSAL NA TAYONG LAHAT, PARA MAGANDA RIN ANG ATING TALAKAYAN TUNGKOL SA ILANG PANUKALANG BATAS NA PALAWIGIN PA ANG SCHOOL-BASED FEEDING PROGRAMS NATIN. KASAMA PO SA PAG-UUSAPAN ANG YUNG ATING PANUKALANG LIBRENG ALMUSAL BILL.
ALAM NATIN NA NAKAKABANSOT, NAKAKABOBO, AT NAKAKA-DEPRESS ANG GUTOM. GUSTO NATIN, PHYSICALLY, MENTALLY, AT EMOTIONALLY STRONG AND HEALTHY ANG LAHAT NG KALAHOK SA ATING PAGDINIG PARA STRONG DIN AND HEALTHY ANG ATING DISCUSSIONS.
**
SA APAT NA PANUKALANG BATAS NA LAYONG BIGYAN NG MAS MABUTING NUTRISYON ANG MGA ESTUDYANTENG PILIPINO, NILATAG NA NATIN ANG PREMISE: GUTÓM ANG BATANG PILIPINO. DI SIYA NAKAKABASA; O KUNG NAKAKABASA MAN, DI NIYA NAIINTINDIHAN GAANO AT PAG GANITO NG GANITO, BAKA TULUYAN NG ANURIN ANG ATING KABATAAN NA PARANG SUBSTANDARD NA MGA FLOOD-CONTROL PROJECTS.
SI DR. JOSE RIZAL ANG NAGSABI, KABATAAN ANG PAG-ASA NG BAYAN. KAYA DAPAT ANG PAG-ASA, DAPAT BUSOG, MALUSOG SA PAGKAIN, SA KAALAMAN, AT SA PAKIKIPAGKAPWA.
KAPAG BINANSOT AT BINOBO NATIN SA GUTOM ANG ATING KABATAAN, BINANSOT AT BINOBO RIN NATIN ANG ATING KINABUKASAN.
SA EDCOM 2 REPORT, LUMALABAS ANG MARAMING KAKULANGAN — (SA) CLASSROOM, TEACHER, TEXTBOOK, AT KUNG ANU-ANO PA.[1]
NGAYONG UMAGA, TUTUTOK ANG INYONG LINGKOD KASAMA ANG KOMITE SA ISA PANG KAKULANGAN SA ATING MGA PAARALAN: PAGKAIN.
PARA SA HEARING NA ITO, KUMAUSAP ANG STAFF KO NG MGA PUBLIC SCHOOL TEACHER PARA ALAMIN ANG NANGYAYARI SA EXISTING SCHOOL-BASED FEEDING PROGRAMS NG DEPED.[2]
ISA NA RITO SI TEACHER EMILY, NAGTUTURO NG E.P.P., EDUKASYONG PANTAHANAN AT PANGKABUHAYAN, SA ISANG ELEMENTARY SCHOOL SA MUNICIPALITY NG GINATILAN, CEBU.
SABI NIYA, NASA BUNDOK ANG PAARALAN. ANG MGA ESTUDYANTE NAGLALAKAD NG LABINLIMANG MINUTO HANGGANG ISANG ORAS PARA MAKARATING SA SCHOOL. PAG TAG-ULAN, MAPUTIK ANG DAAN PAPUNTANG ESKWELAHAN. MADALAS WALANG ALMUSAL. MADALAS WALA RING TANGHALIAN. KAYA MADALAS DIN, NAG-AAMBAG ANG MGA TITSER NG PAGKAIN PARA SA MGA ESTUDYANTE.
SA MULTI-GRADE CLASS NI TEACHER EM, MGA KALAHATI NG 39 NIYANG ESTUDYANTE MULA GRADES 3 TO 6 ANG MAY SNACKS NA GALING SA DIVISION. PERO ANG NAKAKA-AVAIL LANG, YUNG MGA LUMALABAS SA NUTRITIONAL SURVEY NA UNDERWEIGHT (KULANG SA TIMBANG) O STUNTED (BANSOT) O WASTED (BUTO’T BALAT). MAY LIBRENG SNACKS DIN ANG LAHAT NG NASA KINDER.
KAHIT DITO SA METRO MANILA, PROBLEMA ANG GUTOM.
HALOS PAREHO RIN ANG KWENTO NI DR. ELIZABETH SAN PEDRO, MASTER TEACHER 2 NG CAMP CRAME HIGH SCHOOL, 26 YEARS NA SA PUBLIC SCHOOL SERVICE. APAT NA SECTIONS NG GRADE 8 ARALING PANLIPUNAN ANG TINUTURUAN NIYA. PERO DAHIL MALIIT LANG SILANG SCHOOL NA MAY 600 NA ESTUDYANTE, MULTI-TASKER DIN SA DAMI NG ANCILLARY WORK NA ASSIGNED SA KANYA.
SABI NI TEACHER LIZ, DAHIL TARGETED SA MGA NUTRITIONALLY DEFICIT LAMANG ANG CURRENT NA SCHOOL-BASED FEEDING PROGRAM, MAY MGA MAGULANG NA HINDI SINASAGOT ANG SURVEY. NAHIHIYANG SABIHING GUTÓM SILA, NA GUTÓM ANG MGA ANAK NILA. MAHIRAP NA RAW SILA, PINAGMUMUKHA PA SILANG MAHIRAP. MAY DISKRIMINASYON DIN KASI NAKATALI DUN SA MGA NAKA-ENROLL SA KASALUKUYANG PROGRAMA.
YUNG MGA KADALASANG PROBLEMATIC NA ESTUDYANTE, GUTÓM AT KAPÓS TALAGA, ‘IKA NGA NI TEACHER LIZ, NA MIYEMBRO RIN NG DISCIPLINE COMMITTEE.
DAHIL TEENAGERS NA YUNG MGA TINUTURUAN NIYA, MARAMI NA RIN ANG NAGTATRABAHO NA. MAY NAGBABASURA, NAGTITINDA, NAMAMASUKAN. PARA LANG MAKAKAIN.
AT PAGDATING SA CLASSROOM, NATUTULOG. HINAHAYAAN DAW NIYA DAHIL ALAM NIYANG PAGOD SA TRABAHO. BINIBIGYAN NA LANG DAW NIYA NG EXTRA SCHOOL WORK AT NILALAGAY SA TINATAWAG NIYANG MODULAR PROGRAM.
MAY MGA PAGKAKATAON, KWENTO NI TEACHER LIZ, MAY AGAWAN PA NG PAGKAIN NA NANGYAYARI DAHIL SA GUTOM.
DAHIL HINDI RIN TALAGA SUSTAINABLE ANG MAG-AMBAG SILANG MGA TITSER PARA PAKAININ ANG KANILANG MGA ESTUDYANTE, MAY MGA INTERVENTION SILA PARA MAKAKUHA NG SUPORTA SA ALUMNI, SA BARANGAY, SA ROTARY, ETC.
ADVANCE SILANG MAG-ISIP. SABI NILA, MALAKING INCENTIVE SA MAG-AARAL ANG PREDICTABLE NA SCHEDULE NG PAGKAIN SA PAARALAN. SA KARANASAN KASI NILA, GANADONG PUMASOK ANG MGA BATA KUNG MAY PAGKAIN SILANG AABUTAN SA ESKWELAHAN. TALAGANG PAPASOK KASI WALA NGANG PAGKAIN SA BAHAY. MINSAN NAGDADALA PA NGA NG BAUNAN PARA KUNG MERON NATIRA IUUWI. MAY ‘SHARON’ SILA.
KAYA KUNG MAISASABATAS AT MAIPAPATUPAD NATIN AGAD ANG LIBRENG ALMUSAL SA LAHAT NG PUBLIC SCHOOL CHILDREN, MULA KINDER HANGGANG GRADE 12, MATUTUWA SI TEACHER EM AT TEACHER LIZ. PERO ANG IDADAGDAG KO, TATLO ANG NABANGGIT NI SENATOR BAM NA LAYUNIN ADDRESSING STUNTING, MA-ENGGANYO PUMASOK ANG BATA, LEARNING CAPACITY. ANG PANG APAT: KUMITA ANG ATING MGA MAGSASAKA AT MANGINGISDA DAHIL ANG ATING PANUKALA HANGGANG KALAHATI NG MAGIGING LIBRENG ALMUSAL AY BIBILHIN DIREKTA SA ATING MAGSASAKA AT MANGINGISDA DAHIL MERON NAMANG BATAS DYAN – ANG SAGIP SAKA ACT, WALA NG PUBLIC BIDDING, DIREKTANG BIBILHIN. 11.78 BILLION ANG HALAGA NG FEEDING PROGRAM NG DEPED AT KUNG KAHIT NA 30% NA LANG O 20% AY BIBILHIN DIREKTA SA ATING MAGSASAKA AT MANGINGISDA, MALAKING BAGAY. HINDI LANG SILA DAGDAG KITA, MASUSTANSYA PA ANG MABIBILI ANG MAIPAPAKAIN SA ATING MGA ANAK AT SARIWA ANG KANILANG MAGIGING PAGKAIN.
SO ITO ANG ATING LAYUNIN, TAYO AY NAGPAPASALAMAT SA KOMITE AT CHAIRMAN SA PAGKAKATAON NA ITO, SIYEMPRE ANG MAGIGING SENTRO NG ATING MGA KATANUNGAN: MAGKANO BA ANG MAGIGING KINAKAILANGAN NA DAGDAG BUDGET NA HINDI LAMANG SA MGA STUNTED KUNG HINDI SA LAHAT BASE NA RIN DOON SA ILILIPAT NA IBANG PONDO NG FLOOD CONTROL DAHIL ITO AY MALULUSTAY LAMANG AT HINDI KAILANGAN O KAYA AY INAAYOS PA, ILAGAY NATIN SA GANITONG KLASENG PROGRAMA.
MAGANDANG UMAGA SA KANILANG LAHAT. WE ARE READY TO RAISE A NUMBER OF QUESTIONS AND LISTEN TO THE PRESENTATIONS.
[1] https://edcom2.gov.ph/media/2025/01/EDCOM-2-Year-2-Report-Fixing-the-Foundations-2025.pdf[2] Interviews via FB Messenger