OPENING STATEMENT ON 2ND HEARING ON AGRI SMUGGLING OF SEN. KIKO PANGILINAN

September 15, 2025

ANG SMUGGLING AY PARANG “BUDOL” SA LARO NG BASKETBALL. ANG PANDARAYA AY GINAGAWA NG ISANG MANLALARO O KOPONAN — NITONG SINDIKATO — AT NG MGA REFEREE NA DAPAT NA NAGPAPATUPAD NG MGA ALITUNTUNIN PERO SA HALIP AY KASAMA SA PANDARAYA — MGA TIWALING OPISYAL NG GOBYERNO KASAMA ANG MGA SMUGGLER.

ANG MGA TAPAT NA MANLALARO — ANG ATING MGA LOCAL FOOD MANUFACTURERS, ANG ATING MGA DISENTE AT MAAYOS NA IMPORTER, ANG ATING MGA MAGSASAKA AT MANGINGISDA — AY NATATALO KAPAG DI PATAS ANG LARO.

TULAD NG SA KORAPSYON SA FLOOD-CONTROL PROJECTS, BILYON-BILYON DIN ANG NINANAKAW SA BAYAN DAHIL SA SMUGGLING. NOONG NAKARAANG HEARING, SIMPLENG TANONG: BAKIT WALANG MGA SMUGGLER O MIYEMBRO NG SINDIKATO NG SMUGGLING ANG NAKAKULONG? BAKIT BILYON ANG NASAMSAM, 10 MILYON LANG ANG HALAGA PARA MAGING NON-BAILABLE ANG KASONG ECONOMIC SABOTAGE PERO HANGGANG NGAYON – 9 YEARS AFTER, WALA PANG NAKUKULONG NA SMUGGLER SA NON-BAILABLE NA OFFENSE O BIGTIME SMUGGLER SA NON-BAILABLE NA OFFENSE NA ITO AT 1 YEAR AFTER YUNG BATAS NA ANTI-AGRICULTURE ECONOMIC SABOTAGE LAW, WALA PA RING NAKUKULONG NA BIGTIME NA SINDIKATO AT SMUGGLER?

SA ILALIM NG REHIMEN NG REPUBLIC ACT 10845, O ANG ANTI-SMUGGLING ACT OF 2016,^[1] ITO ANG MGA RESULTA:

MULA HULYO 2022 HANGGANG NOBYEMBRE 2024, NASAMSAM ANG HIGIT 5.8 BILYONG PISONG HALAGA NG MGA SMUGGLED NA PRODUKTONG AGRIKULTURA.^[2]

SA PAGITAN NG 2018 AT 2024, 250 ANG MGA KASONG ISINAMPA NA KINASASANGKUTAN NG 8.59 BILYONG PISONG KALAKAL.^[3]

NGUNIT ANG MGA PAG-UUSIG O PROSECUTION BIHIRA: APAT LAMANG ANG NAHATULAN, AT LIMANG PORSYENTO LAMANG NG 192 NA KASO ANG NA-RESOLVE,^[4] KADALASAN DAHIL SA KULANG ANG EBIDENSYA.^[5] DISMISSED O LACK OF EVIDENCE. MAGALING SA RAID, MAGALING SA MEDIA OPS, DAANG MILYON ANG NASASAMSAM PERO SA PARUSA: UTA.

NOONG HUNYO 2024, NATUKLASAN NG MGA AWTORIDAD ANG MALAWAKANG AGRICULTURAL SMUGGLING OPERATION SA KAWIT, CAVITE. NASAMSAM NG DEPARTMENT OF AGRICULTURE (D.A.) AT BUREAU OF CUSTOMS (B.O.C.) ANG 100 MILYONG PISONG HALAGA NG FROZEN MEAT AT MGA PRODUKTONG PANG-AGRIKULTURA.^[6]

ANG KONTRABANDO: 98,000 KILO, AY ITINAGO SA SAMPUNG UNREGISTERED COLD STORAGE FACILITY, KUNWARI AY ISANG PARCEL SORTING CENTER NA NA UGNAY SA VIGOR GLOBAL LOGISTICS CORPORATION.^[7]

ANG MGA NASAMSAM — PORK BELLY, PEKING DUCK, GIANT LAPU-LAPU, AT IBA PANG MGA HOTPOT INGREDIENTS — KULANG SA SANITATION AT PHYTOSANITARY CLEARANCES.^[8]

AYON KAY D.A. ASSISTANT SECRETARY ARNEL DE MESA, NATUKLASAN NG NATIONAL MEAT INSPECTION SERVICE (N.M.I.S.) NA KARAMIHAN SA MGA KALAKAL HINDI LIGTAS NA KAININ NG TAO. MALI RIN DAW ANG PACKAGING. AT DAHIL CHINESE CHARACTERS ANG NASA PACKAGING, TINITINGNANG GALING ITO SA CHINA O HONG KONG. GAYUNPAMAN, HIRAP MA-TRACE SINO ANG DAPAT MANAGOT. WALANG MAY-ARI NG ARI-ARIAN O CONSIGNEE ANG HUMARAP SA AWTORIDAD.^[9] ANO NA ANG NANGYARI SA KASONG ITO? ‘TILA NAMATAY NA AT MUKHANG NAGING MULTO. GHOST PROJECT, GHOST CASES.

MAKALIPAS ANG ILANG BUWAN, NOONG SEPTEMBER 2024, SA MARILAO, BULACAN, NI-RAID NG NATIONAL BUREAU OF INVESTIGATION (N.B.I.) ANG C.S. COLD STORAGE & PROCESSING PLANT CORPORATION. DOON NATUKLASAN ANG MGA SMUGGLED NA PRODUKTO NA NAGKAKAHALAGA NG 200 MILLION PESOS. KASAMA SA NASAMSAM ANG BEEF, CHICKEN, SEAFOOD, PIGEON MEAT, AT MGA KAHON NG BULOK NA SIBUYAS AT BAWANG.^[10] BAGAMAT WALANG GINAWANG PAG ARESTO NG RAID ISINAMPA ANG MGA KASONG SMUGGLING LABAN SA DALAWANG PILIPINO, INCORPORATOR, AT ISANG DAYUHAN. IPINUSLIT GALING CHINA.

TANONG: MAY ISANG TAON NA RIN ANG NAKARAAN, ANO ANG UPDATE SA KASONG ISINAMPA? BAKA PATAY NANAMAN ANG KASO AT NAGING MULTO NANAMAN. GHOST CASE NA NGA BA ITO? ‘WAG NAMAN SANA.

ISA PANG MALAKING KASO ANG KINASASANGKUTAN NAMAN NG BETRON CONSUMER GOODS TRADING SA NAVOTAS. NAGTANGKA ITONG MAGLABAS NG LIMANG SHIPPING CONTAINER NA MISDECLARED FROZEN FISH EGG BALLS. SA INSPEKSYON NATAGPUAN NG MGA AWTORIDAD SA SUBIC ANG HALOS 57,000 KILO NG CARROTS AT MAHIGIT 85,000 KILO NG YELLOW ONIONS, NA MAY KABUUANG MARKET VALUE NA 20.8 MILYONG PISO.^[11] KATAKA-TAKA DAHIL SA REPORT NAMAN NG DAIE AY 136.5 MILLION ANG HALAGA NITO. ITO BA AY DAGDAG BAWAS TULAD NG PANDARAYA? NABABAWASAN YUNG HALAGA. YAN AY KINAKAILANGAN NATIN ALAMIN.

SABI NG DA ANG MGA BAKAS NG E. COLI AT MGA LATAK NG UNREGISTERED PESTICIDE SA MGA SMUGGLED GOODS MAYROON PANG FINDINGS.

PAGSAPIT NG DISYEMBRE 2024, NAGSAMPA NA ANG D.A.-B.P.I. NG MGA PORMAL NA REKLAMO SA OLONGAPO CITY PROSECUTOR’S OFFICE LABAN SA BETRON AT SA MAY-ARI NITO NA SI RONNEL MANALANG. KINASUHAN ANG DALAWA NG PAGLABAG SA FOOD SAFETY ACT OF 2013 AT 1978 PLANT QUARANTINE LAW. ANG TANONG BAKIT HINDI SMUGGLING O ECONOMIC SABOTAGE? DAHIL DITO, BINAWI ANG LISENSYA SA PAG-IMPORT NG BETRON AT NA-BLACKLIST DIN.^[12] TANONG: NAKULONG BA SI RONNEL MANALANG? NAGBAYAD BA NG MULTA? O MULTO LANG DIN ITO, GHOST CASE NANAMAN BA? HUWAG NAMAN SANA.

NOONG SETYEMBRE 2024, IPINASA NG KONGRESO ANG REPUBLIC ACT 12022, ANG ANTI-AGRICULTURAL ECONOMIC SABOTAGE (A.A.E.S) ACT.^[13] MULA NG MAIPASA ITO, NAKUMPISKA SA MGA OPERASYON NG D.A. AT CUSTOMS ANG 3.78 BILYONG PISONG HALAGA NG ILIGAL NA AGRI-FISHERY GOODS SA PAGITAN NG ENERO 2024 AT HULYO 2025.^[14]

HINDI BABABA SA 20 IMPORTER ANG NA-BLACKLIST.^[15] SANA SA 20 IMPORTER E MASAMPAHAN NA NG KASONG ANTI-AGRICULTURE ECONOMIC SABOTAGE KUNG MAYROON NG SAPAT NA EBIDENSYA RITO.

KABILANG SA MGA PANGUNAHING OPERASYON ANG SEIZURE NOONG HULYO 2025 NG 74 METRIKONG TONELADA NG SIBUYAS NA NAGKAKAHALAGA NG 10.3 MILYONG PESOS.^[16]

NAG-ULAT ANG D.O.J. NG 92 PERCENT NG IMPROVEMENT SA PROSECUTION RATE.^[17]

PERO ANG PALAISIPAN NOON, PALAISIPAN PA RIN HANGGANG NGAYON?

NOON, WALANG BATAS LABAN SA ECONOMIC SABOTAGE. NOONG MAYROONG BATAS, PINALAKAS PA NOONG 2024, NGAYON PINALAKAS PA PERO MERON NA BANG NAKULONG? BIGTIME SMUGGLER? IMPORTER?

RECENT CASES WE WILL ZERO IN FOR NOW:

PACO, MANILA (JUNE 20, 2025): 22,000 SACKS OF RICE, WORTH 38.9 MILLION PESOS, SEIZED, WALANG LISENSYA O PERMIT.^[18]

PACO, MANILA (JULY 3, 2025): N.B.I. AND COAST GUARD RAIDED FROZEN8 CORPORATION’S COLD STORAGE FACILITY, UNCOVERING SMUGGLED ONIONS, AND MEAT ABOUT 10 MILLION PESOS.^[19]

BASILAN (JULY 10, 2025): P.N.P. MARITIME GROUP INTERCEPTED M/B RAIZA 1 CARRYING 370 MASTER CASES OF SMUGGLED BLACK HAWK CIGARETTES WORTH 15.7 MILLION PESOS.^[20]

AND SUBIC (RECENT MONTHS): 57 CONTAINERS OF FROZEN MACKEREL, ONIONS, AND CARROTS VALUED AT 71.9 MILLION PESOS.^[21]

NANDYAN DIN YUNG TINATAWAG NA KARTEL NG SIBUYAS, NA NAGMAMANIPULA NG MGA PERMIT SA PAG-IMPORT, SUPPLY. BAGO ANG 2024 BATAS, KONTROLADO NG MGA GRUPO TULAD NG VIEVA, TIAN LONG, LA REINA, YOM TRADING, AT IBA PA ANG HIGIT SA KALAHATI NG MGA PAG-IMPORT NG SIBUYAS.

NAAALALA BA NINYO, UABOT NG HANGGANG 700 PESOS KADA KILO ANG SIBUYAS? SILA YUN. PERO NAKAKALAYA PA HANGGANG NGAYON. BUMABAGAL ANG PAG USAD NG PAGLILITIS LABAN SA KANILA.

NAGHAIN ANG PHILIPPINE COMPETITION COMMISSION (P.C.C.) NA NG 2.4 BILYONG NA KASONG MULTA LABAN SA 12 KUMPANYA AT INDIBIDWAL —PINAKAMALAKING MULTA SA KASAYSAYAN NG P.C.C. ANG REKOMENDASYON NILA AT KANILANG NALIKOM NA EBIDENSYA AY NAGKAROON NG SABWATAN NGUNIT HANGGANG NGAYON, WALA PA RING NAKOKOLEKTANG MULTA.^[22] WALA PA RING RESULTA. 1 YEAR AFTER THE RECOMMENDATION OF THE FILING OF 2.4 BILLION PESOS WORTH OF FINES.

NAKABINBIN SA SANDIGANBAYAN ANG MAGKAKAHIWALAY NA KASONG LABAN SA MGA OPISYAL NG GOBYERNO NGUNIT WALA PANG CONVICTION.

ITO ANG BUOD NG ATING PAGTATANONG NGAYONG ARAW. KAILAN BA MAKUKULONG ANG MGA NASA LIKOD NITONG BILYON-BILYONG HALAGA NG NASAMSAM NA? NASAMSAM NA. HAWAK NA NATIN. MAY MGA PANGALAN NA. NO OFFENSEMENT TO ANY OF OUR PUBLIC OFFICIALS WHO ARE DOING THEIR DARNEST BEST, NO OFFENSEMENT SA ATING MGA BAGONG TALAGA NA MGA OPISYAL NG CUSTOMS, SABI NI PRESIDENTE SA KASONG GHOST PROJECTS SA FLOOD CONTROL: MAHIYA NAMAN KAYO. TRILYONG HALAGA NA ANG NAKUMPISKA NATIN NA SMUGGLED (GOODS), WALANG MGA LISENSYA, WALA PA TAYONG NAKUKULONG. MAHIYA NAMAN TAYONG LAHAT.

WORD COUNT: 1259

^[1]https://lawphil.net/statutes/repacts/ra2016/ra_10845_2016.html

^[2]https://pco.gov.ph/news_releases/pbbm-orders-stronger-action-vs-smuggling-of-agri-products/

^[3]https://pco.gov.ph/news_releases/pbbm-orders-stronger-action-vs-smuggling-of-agri-products/

^[4]https://business.inquirer.net/495129/anti-agricultural-economic-sabotage-law-implementation

^[5]https://www.gmanetwork.com/news/topstories/nation/929966/marcos-tells-customs-da-strike-hard-vs-smugglers-of-agri-goods/story/

^[6]https://www.pna.gov.ph/articles/1226978

^[7]https://www.pna.gov.ph/articles/1226978

^[8]https://www.pna.gov.ph/articles/1226978

^[9]https://www.pna.gov.ph/articles/1226978

^[10]https://dzrh.com.ph/post/nbi-raids-warehouse-in-bulacan-discovers-multi-million-pesos-worth-of-smuggled-frozen-products-from-china

^[11]https://www.da.gov.ph/da-pursues-smuggling-charges-vs-betron-trading-owner/