MARAMING SALAMAT GINOONG PANGULO, MGA KASAMAHAN KO SA KAPULUNGANG.
TUMATAYO TAYO UPANG I-CO-SPONSOR ANG SENATE BILL NO. 1982 UNDER COMMITTEE REPORT NO. 48 NA NAGLALAYONG PANSAMANTALANG IPAGPALIBAN ANG EXCISE TAX SA MGA PRODUKTONG PETROLYO, UPANG AGAD NA MAIBSAN ANG BIGAT NA DINADALA NG ATING MGA KABABAYAN DULOT NG PATULOY NA PAGTAAS NG PRESYO NG LANGIS.
SINUSUPORTAHAN NATIN ANG PAG SUSPINDE NG FUEL EXCISETAX DAHIL TINATAMAAN ANG ATING MALILIIT NA MAGSASAKA AT MANGINGISDA AT SYEMPRE ANG LAHAT NG ATING MGA KABABAYAN — ANG MGA MAGSASAKA AT MANGINGISDA ANG MGA TAONG DAHILAN KUNG BAKIT MERON TAYONG PINAGSASALUHAN SA HAPAG-KAINAN.
BUT LET US BE CLEAR. THE SUSPENSION OF FUEL EXCISE TAXES MUST BE TARGETED, RULES-BASED, AND TIME-BOUND. IT MUST FUNCTION AS AN EMERGENCY LIFELINE, NOT (AS) A BLANKET GIVEAWAY.
KAGYAT ANG PANGANGAILANGAN.
SINABI NG MGA GRUPO NG MANGINGISDA NA HANGGANG OTSENTA PORSYENTO NG GASTOS NILA SA PRODUCTION AY KRUDO. NGAYON, MAHIGIT OTSENTA PESOS NA ANG LITRO NG DIESEL. IBIG SABIHIN, DAGDAG 640 PESOS KADA BYAHE SA KRUDO PA LANG.
HINDI NA NILA KAYANG SALUHIN PA ANG TAAS NG GASTOS. KAYA SANDALI NA LANG SILA PUMALAOT, SA MALAPIT NA LANG NANGINGISDA, EVERY OTHER DAY NA LANG LALABAS O LULUWAS, O KAYA TULUYAN NANG TUMITIGIL.
‘PAG MAS KONTI ANG BANGKANG PUMALAOT, MAS KONTI ANG SUPLAY NG ISDA, MAS MATAAS ANG PRESYO. BAWAT PAMILYANG PILIPINO APEKTADO.
A 6-PESO TO 10-PESO REDUCTION PER LITER COULD LOWER FISHING OPERATING COSTS AT MALAKING BAGAY (‘YAN).
HALOS PAREHO ANG KWENTO SA MGA SAKAHAN.
THE SUSPENSION OF EXCISE TAXES UNDER THE TRAIN LAW MAY REDUCE PUMP PRICES BY APPROXIMATELY ₱6 PER LITER FOR DIESEL AND ₱10 PER LITER SA GASOLINA.
PARA SA MARAMI NATING MAGSASAKA, PAGBABA ITO SA KANILANG PRODUCTION COST PER HECTARE. MALAKING BAGAY PARA SA MGA MAGSASAKANG HALOS BREAK-EVEN NA LAMANG.
LET US ALSO REMEMBER THE SCALE OF FUEL DEPENDENCE IN FOOD PRODUCTION.
IN 2019, AGRICULTURE AND FISHERIES CONSUME ABOUT 471 THOUSAND TONS OF OIL EQUIVALENT IN ENERGY. NEARLY HALF OF THAT — 227 THOUSAND TONS OF OIL EQUIVALENT IN ENERGY — IS PETROLEUM, AND 96 PERCENT OF THAT IS DIESEL.
KUNG WALANG LANGIS, HIND GAGALAW ANG ATING SISTEMA NG PAGKAIN. HINDI PA KASAMA DYAN ANG PAGTAAS NG PRESYO NG PRODUKTONG PETROLYO, O PETROLYO BASED PRODUCTS TULAD NG PATABA AT PESTISIDYO.
SABI NG MGA EKONOMISTA, MAYAYAMAN LANG ANG MAKIKINABANG SA MALAWAKAN O BLANKET FUEL TAX SUSPENSION. TINATAYA NG DEPARTMENT OF FINANCE NA ANG TOP 10 PERCENT NG MGA HOUSEHOLD ANG GUMAGAMIT NG HALOS KALAHATI NG LAHAT NG PRODUKTONG PETROLYO.
KAYA IPINILIT NG ILANG ENERGY EXPERTS NA ANG FUEL EXCISE TAX SUSPENSION AY TARGETED, MAY MALINAW NA PATAKARAN (RULES-BASED), AT MAY TAKDANG PANAHON (TIME-BOUND).
MAYROONG MGA MALINAW NA BASEHAN: CONSUMER PRICE INDEX AT INFLATION, FISCAL DEFICIT AND REVENUE TARGETS NG PAMAHALAAN, STABILITY NG PESO-DOLLAR EXCHANGE RATE, AT UPDATED NA KALAGAYAN NG KRISIS SA LANGIS AT SA GITNANG SILANGAN.
MAYROONG TRANSPARENCY: REGULAR ANG REPORTING SA CONGRESS — ERGO, SA TAUMBAYAN — NG MGA KAGANAPAN AT PAGTUGON SA MGA PABAGO-BAGONG PANGYAYARI. KINAKAILANGAN DIN I-BREAKDOWN NG MGA OIL COMPANIES ANG ACTUAL COST OF IMPORTATION, LOGISTICS, AT PAANO PAPABABAIN O PAANO I-COCOMPUTE ANG BAWAS SA EXCISE TAX. DAPAT ALAM NG MGA KABABAYAN NATIN YAN.
ALAM NATIN HINDI SAPAT ANG PAG SUSPINDE NG BUWIS.
KAILANGAN PANG PALAWAKIN ANG FUEL VOUCHERS AT CASH SUBSIDIES SA ATING MGA MAGSASAKA AT MANGINGISDA. HINDI SAPAT YUNG PARA LANG SA WALA PANG 25,000 KATAO.
KAILANGANG MAS MAGING MAPAGBANTAY ANG REGULATORS PARA SA MASIGURONG ANG PAGBABA NG PRESYO NG KRUDO AY NAGDUDULOT NG PAGBABA NG PRESYO NG PAGBIYAHE AT PATI NA RIN NG PAGKAIN.
SA MADALING SALITA, TATLO ANG AGAD-AGAD NA DAPAT MAGAWA NG ATING MGA PANUKALA: PAGAANIN ANG PASANIN NG MGA MAHIHIRAP NATING MAGSASAKA AT MANGINGISDA. PATATAGIN ANG SUPLAY AT PRESYO NG PAGKAIN. AT BIGYAN NG SAPAT NA PAGHINGA AT TAMANG INSENTIBO ANG ATING MGA SISTEMA PARA MAITATAG ANG ISANG PAMBANSANG EKONOMIYANG NA MAS SUSTAINABLE AT EFFICIENT.
HINDI WALDAS. HINDI MAAKSAYA. HINDI SINISIRA ANG KALIKASAN.
ANG PANUKALANG ITO AY ISINUSULONG NG ISANG SANDIGAN UPANG MAPANATILING GUMAGALAW ANG ATING SISTEMA NG PAGKAIN HABANG HINAHARAP NATIN ANG KRISIS SA PRESYO NG LANGIS. SA HULI, ANG ATING PASYA NGAYON AY HINDI LAMANG TUNGKOL SA PANSAMANTALANG PAGSUSPINDE NG FUEL EXCISE TAX — ITO AY TUNGKOL SA PAGPROTEKTA SA MGA NAGPAPAKAIN SA ATING BAYAN AT SA KINABUKASAN NG BAWAT HAPAG-KAINAN NG ATING MGA KABABAYAN.MARAMING SALAMAT AT MAGANDANG HAPON SA KANILANG LAHAT. #####