MARAMING SALAMAT GINOONG PANGULO. NAIS KO PONG IPALIWANAG ANG AKING “NO” VOTE SA SENATE RESOLUTION 307.
NOONG PANAHON NG MGA SPONSORSHIP SPEECHES NG NASABING RESOLUSYON PINAKINGGAN KO PO ANG ATING MGA KASAMAHAN. MARAMING MGA LIGAL NA ARGUMENTO ANG ISINUSULONG NG MGA KASAMAHAN PO NATIN TULAD NG RIGHT TO DUE PROCESS, ANG ISYU NG NATIONAL SOVEREIGNTY, NG PRIMACY NG LOCAL COURT SYSTEMS NATIN SA INTERNATIONAL CRIMINAL COURT (ICC). ANG KAPANSIN-PANSIN NGA LANG NA SA LAHAT NG SPONSORSHIP SPEECHES, WALANG NABANGGIT SA USAPING HUSTISYA PARA SA MGA BIKTIMA NG EXTRAJUDICIAL KILLINGS. MGA LIBONG NAMATAY O PINATAY SA OPLAN DOUBLE BARREL NG NAKARAAN ADMINISTRASYON.
NOONG NAKARAANG OKTUBRE TINALAKAY NG SENADO ANG RESOLUSYON 144 NA HINILING SA SENADO SA ICC ANG HOUSE ARREST PARA SA DATING PANGULO. BUMOTO AKONG KONTRA SA NASABING RESOLUSYON DAHIL SA AKING PANIWALA NA MAS MATIMBANG ANG DAING NG MGA PAMILYA NG MGA BIKTIMA NG EXTRAJUDICIAL KILLINGS NA NAPATAY O PINATAY SA MADUGONG DRUG WAR. MAS MATIMBANG, SA AKING PALAGAY, ANG ISINISIGAW NA KATARUNGAN. SA AKING PANIWALA NOON NA TILA BA NABAON SA LIMOT AT HINDI NANGYARI ANG NASABING PAGPATAY NG LIVO-LIBO NATING KABABAYAN – KARAMIHAN AY MAHIHIRAP.
NAALALA KO TULOY ANG SINABI MISMO NG DATING SECRETARY OF JUSTICE NOONG KAPANAHUNAN SIYA’Y NAKA UPO BILANG SECRETARY AT NGAYO’Y OMBUDSMAN JESUS CRISPIN REMULLA NOONG JUNE 2025, AND I QUOTE “EVERYTHING THAT COULD BE ERASED WAS ERASED SO THAT CASES WOULD NOT PUSH THROUGH” NUNG IMBESTIGAHAN NG DOJ ANG MGA KASONG PAGPATAY SA NASABING DRUG WAR.
BAGAMAT ANG PANIWALA KO BILANG ABOGADO NA MAY MALIWANAG NA BASEHAN ANG EXTRAORDINARY O EXTRAJUDICIAL RENDITION, TOTOO MAY MGA KWESTYON NGA DITO: DUE PROCESS, LEGALIDAD NGA NG NASABING EXTRA ORDINARY RENDITION. TOTOO DIN NA SA MGA KWESTYON NG USAPING SOBERANYA AT SA KAPANGYARIHAN NG ATING MGA KORTE, ANG PAG PASYA SA MGA POSIBLENG NA-ARESTO NG ICC WARRANTS, ANG TOTOO MAY KASO SA KORTE SUPREMA NA NAKABINBIN. MAY PETISYON SA KORTE SUPREMA TUNGKOL SA MGA ISYUNG ITO. NGUNIT ‘WAG SANA NATIN ISANTABI NA ANG RESOLUSYON ITO AY DAPAT MAY KINALAMAN RIN SA KATOTOHANAN AT PANANAGUTAN NA SIYANG ISINISIGAW NG MGA PAMILYA NG BIKTIMA NG EXTRAJUDICIAL KILLINGS.
USAPIN DIN ITO NG HUSTISYA PARA SA KANILA ANG NAPAKAPAIT NA KATOTOHANAN DIN AY HABANG DINEDEBATE SA RESOLUSYON NA ITO TUNGKOL SA DUE PROCESS AT KAPANGYARIHAN NG ATING MGA LOKAL NA KORTE NA MAGPASYA TUNGKOL SA MGA MAAARING MAARESTO SA BISA NG MGA WARRANT NG ICC, YUNG LIBO-LIBONG PINATAY SA NGALAN NG OPLAN DOUBLE BARREL NA YAN ANG PARATANG SA ICC CASE NGAYON, YUNG LIBO-LIBO NA YUN AY HINDI NABIGYAN NG DUE PROCESS. HINDI NA SILA PINAABOT SA KORTE – KUNDI DERECHO SILA MORGUE.
BILANG CHAIRMAN NG COMMITTEE ON JUSTICE AND HUMAN RIGHTS, ANG BOTO KO AY PARA SA HUSTISYA, ANG BOTO KO AY PARA SA MGA NAGING BIKTIMA NG PAG ABUSO SA KARAPATAN PANTAO.
ANG BOTO KO AY “NO”.
MARAMING SALAMAT.#####