MR. PRESIDENT, DISTINGUISHED COLLEAGUES, I RISE TODAY TO CO-SPONSOR SENATE BILL NO. 1483, AS PER THE COMMITTEE REPORT OF OUR ESTEEMED COLLEAGUE, SENATOR LOREN LEGARDA.
SANG-AYON AKO SA PANUKALA NIYANG PALAWIGIN AT PALAWAKIN ANG MANDATO NG ATING SECOND CONGRESSIONAL COMMISSION ON EDUCATION (EDCOM II). NAPAKATAAS NG NAKATAYA AT NAPAKALAKI NG PAGKAKATAON.
HINDI ABSTRACT NA MGA POLISIYA ANG GAWAIN NG KOMISYONG ITO.
ITO ANG ARAW-ARAW NA REALIDAD NG MAHIGIT DALAWAMPU’T APAT NA MILYONG[1] ESTUDYANTE, MAGULANG, AT GURO. ITO ANG KINABUKASAN AT PAG-ASA NG MGA PAMILYA SA BUONG PILIPINAS.
TUNGKOL ITO SA HALOS BEINTE PORSYENTO NG BUONG POPULASYON NG ATING BANSA. BUHAY NG ISA SA BAWAT LIMANG PILIPINO ANG HUHUBUGIN NG MGA PASYA SA EDUKASYON.
HAYAAN NINYONG IBAHAGI KO ANG KUWENTO NI GINANG CASTRO[2] MULA SA CAVITE. ISANG DATING GURO NA MAY TATLONG ANAK. LAHAT NG KANYANG BAGETS AY DUMAAN SA K TO 12 PROGRAM. BAWAT ISA (AY) PUMILI NG IBA’T IBANG SENIOR HIGH SCHOOL STRAND. PERO NALAMAN NIYA KAMAKAILAN, SA PRIVATE SCHOOL NA DATI NIYANG PINAGTUTURUAN, PINUTOL NA ANG STRAND NG HUMANITIES, ACCOUNTANCY, AT STEM SA GRADES 11 AT 12. AT DALAWANG TRACKS NA LAMANG ANG NANATILI: ACADEMIC AT TECH-PRO (TECHNICAL PROFESSIONAL).
SABI NIYA: “NAWALA ANG LAHAT NG PANGAKO NG PROGRAMA. DAPAT SANA TAPOS NA AT NAGTATRABAHO NA ANG MGA ANAK KO, TULAD NOONG AKO SA EDAD NILA. NGUNIT SA HALIP, NASAYANG ANG PANAHONG HINDI NA MAIBABALIK.”
MGA PAGKABIGO AT PAGLULUKSA SA KANYANG PAGKWENTO: TUITION AT BAON SA DAGDAG NA TAON AT ‘YUN NGANG MARAMING TAON NA HINDI NA MABABAWI.
PARA SA MGA PAMILYANG TULAD NG KAY GINANG CASTRO, DAPAT MANINDIGAN ANG KOMISYON.
SAMANTALA, MARAMING PUBLIC SCHOOL TEACHER ANG IISA ANG KWENTO: BUMIBILI SILA NG PAGKAIN MULA SA SARILI NILANG BULSA PARA SA KANILANG MGA ESTUDYANTE NA PUMAPASOK NANG GUTOM. GUSTO NILANG PUMASOK DING MAY PAG-ASA ANG MGA BATA. KAYA ANG EXPANDED FREE MEALS PROGRAM NA PANUKALANG BATAS NG INYONG LINGKOD AT NA-HEARING NA NI SENATOR BAM AQUINO AY ATING ISINUSULONG.
KAILANGANG TULUNGAN TAYO NG EDCOM II NA IBAHIN ANG PAG-ASA NA IYON AT GAWING REGULAR AT TUNAY NA PAGPAPAKAIN AT PAGKATUTO.
HINDI NAGSISINUNGALING ANG DATOS. NAIDOKUMENTO NG KOMISYON ANG MALALIM NA MGA KAKULANGAN SA PAGKATUTO: MGA BATANG MAGTATAPOS SA GRADE 3 NA HINDI MARUNONG MAGBASA AYON SA ANTAS NG BAITANG. WALANG MGA BASIC NA KASANAYAN. MGA GURONG NAPAKARAMING GAWAIN. AT MGA GUMUGUHONG PAARALAN.[3]
GANUNPAMAN, SA LIKOD NG MGA DATOS NA ITO, MAY MGA PANGARAP NA IPINAGPALIBAN. MGA BATA MALABO NG MABAWI ANG NAWALANG ORAS. MGA GURO NASA BINGIT NG PAGKAHAPO.
PERO ANG TUNGKULIN AY HINDI LAMANG AYUSIN ANG NASIRA. DAPAT DIN NATING LIKHAIN AT BUUHIN ANG ISANG SISTEMA NA MAGBIBIGAY NG UGAT AT NG PAKPAK. UGAT PARA SA KATATAGAN, PAKPAK PARA SA PAG-UNLAD. ROOTS AND WINGS.
HAYAANG ITURO NG BAGONG KURIKULUM ANG MGA BAKIT AT PAANO.
HAYAANG MATUTO ANG MGA MAG-AARAL NG BAYANIHAN, ANG PAMANA NG ATING LAHI. NA NAGSASAMA-SAMA SA KRISIS AT PAG-ASA. SA HIRAP (AT) SA GINHAWA.
HAYAANG PAG-ARALAN NG MGA MARITIME SCHOOL HINDI LAMANG ANG FOREIGN NAVIGATION, KUNDI ANG MGA GAWAIN SA DAGAT NG ATING MGA NINUNO. NA SUBOK NA NG PANAHON.
SA AGRICULTURE SCHOOLS, BAKIT IMPORTED NA BINHI AT KEMIKAL LANG ANG ITINUTURO? PAGSAMAHIN NATIN ANG GLOBAL ADVANCES AT ANG LIKAS NA KAALAMAN NG MGA MAGSASAKANG PILIPINO. NA KARANIWAN AY ANGKOP SA ATING LUPA, SA ATING KLIMA, AT SA MGA HAMON NG CLIMATE CHANGE.
MALINAW ANG ULAT NG EDCOM II: TAYO AY NASA KRISIS, NGUNIT NASA ISANG SANGANDAAN DIN TAYO. IPINAKITA SA ATIN NG KOMISYON KUNG SAAN NABIGO ANG POLISIYA, NGUNIT ITINUTURO DIN NITO ANG DAAN PAGSULONG: PAGTAWAG PARA SA MGA FOUNDATIONAL INVESTMENT SA MAAGANG LITERACY AT NUTRISYON. NUTRITION NGA RAW AY FOUNDATIONAL SA LEARNING. PARA SA UPDATED AT RELEVANT DIN NA KURIKULUM. PARA SA MGA BETTER-TRAINED AT BETTER-SUPPORTED NA MGA GURO. PARA SA ISANG WHOLE-OF-GOVERNMENT ACTION.[4]
BIGYAN NATIN ANG KOMISYON NA ITO NG ORAS, DAGDAG NA KASANGKAPAN, AT MAS MALAWAK NA MANDATO PARA MAKUMPLETO ANG MGA GAWAING NABANGGIT. BIGYAN NATIN NG HUSTISYA ANG MGA CASTRO AT ANG HINDI MABILANG NA PAMILYA, GURO, AT ESTUDYANTENG UMAASA SA ATIN.
BILANG PANG-WAKAS ALAM NATING LAHAT: PAG NAMUHUNAN TAYO SA EDUKASYON, NAMUHUNAN DIN TAYO SA KINABUKASAN NG BAWAT PILIPINO, NAMUMUHUNAN RIN TAYO SA KINABUKASAN NG REPUBLIKA NG PILIPINAS.
FOR THESE REASONS, MR. PRESIDENT, I WHOLEHEARTEDLY CO-SPONSOR SENATE BILL NO. 1483 AND URGE ITS IMMEDIATE APPROVAL. MARAMING SALAMAT. ##
WORD COUNT: 733
[1] https://newsinfo.inquirer.net/1969717/sy-2024-2025-sees-over-23-million-enrollees-in-elementary-high-school
[2] Interviewed a parent who is still sending her children to school. This was her lament. Changed her name to Castro as she did not want to be identified.
[3] https://edcom2.gov.ph/media/2025/01/EDCOM-2-Year-2-Report-Fixing-the-Foundations-2025.pdf
[4] https://edcom2.gov.ph/media/2025/01/EDCOM-2-Year-2-Report-Fixing-the-Foundations-2025.pdf