WE VOTE YES FOR THE MAGNA CARTA OF BARANGAY HEALTH WORKERS. BUO ANG AKING SUPORTA SA PANUKALANG BATAS NA ITO.
KAPAG PINAG-UUSAPAN NATIN ANG PHILIPPINE HEALTHCARE SYSTEM, ANG UNANG MUKHA NG SERBISYONG PANGKALUSUGAN NA NAKIKITA NG MARAMING PILIPINO AY ANG SA ATING MGA BARANGAY HEALTH WORKER.
AT KAPAG MAY KRISIS, SILA ANG UNANG KUMIKILOS.
FRONTLINER SILA SA LABAN PARA SA KALUSUGAN NG BAYAN.
NOONG ISINULAT ANG ORIHINAL NA MAGNA CARTA, ITO’Y UPANG TIYAKIN NA MAY PANANAGUTAN ANG KAPANGYARIHAN AT MAY PROTEKSYON ANG KARAPATAN. ACCOUNTABILITY OF POWER AND PROTECTION OF RIGHTS. GANITO RIN ANG MGA LAYUNIN NG SENATE BILL NO. 1905.
MATAPOS ANG MARAMING TAON, PANAHON NA PARA MABIGYAN NG PAGKILALA, PROTEKSYON, AT SUPORTA NG GOBYERNO ANG ATING MGA BARANGAY HEALTH WORKER.
AYON SA DEPARTMENT OF HEALTH, MAYROON TAYONG HUMIGIT-KUMULANG 250,000 BARANGAY HEALTH WORKERS SA BUONG BANSA. IMAGINE, AN ARMY OF A QUARTER OF A MILLION FILIPINOS WORKING DAILY, SERVING THEIR COMMUNITIES, AS VOLUNTEERS, AND MANY RECEIVING AS LITTLE AS 500 PESOS A MONTH. AT SA BAWAT ISA SA KANILA, MAY PAMILYANG UMAASA, MAY BARANGAY NA KANILANG INAALAGAAN, AT MAY MGA BUHAY HIGIT SA LAHAT NA NAILILIGTAS.
KUNG TUTUUSIN, ANG BARANGAY HEALTH WORKER SA KALUSUGAN AY KATUMBAS NG AKING PABORITONG SUBJECT MATTER IYONG MGA AGRICULTURE WORKERS OR EXTENSION WORKERS SA AGRIKULTURA.
KUNG ANG AGRICULTURAL EXTENSION WORKER ANG NAGDADALA NG KAALAMAN, TEKNOLOHIYA, AT GABAY HANGGANG SA BUKID AT PALAISDAAN, ANG BARANGAY HEALTH WORKER NAMAN ANG NAGDADALA NG SERBISYONG PANGKALUSUGAN HANGGANG SA MISMONG MGA TAHANAN – GRASSROOTS TALAGA.
SILA ANG TULAY SA PAGITAN NG PAMAHALAAN AT NG MAMAMAYAN. SILA ANG DAHILAN KUNG BAKIT UMAABOT ANG MGA IMPORMASYON TUNGKOL SA DISEASE PREVENTION, VACCINATION, REFERRAL, FOLLOW-UP, AT HIGIT SA LAHAT, KALUSUGAN.
NAKITA NATIN ITO NOONG PANAHON NG PANDEMYA.
ANG MGA BARANGAY HEALTH WORKER ANG TUMULONG SA CONTACT TRACING NG ISANG NAG-COVID–POSITIVE NA RESIDENTE. SILA ANG MGA NAKATUKOY SA WALONG MIYEMBRO NG PAMILYA AT MGA KAPITBAHAY NA KAILANGANG MA-ISOLATE. KASAMA NILA ANG LOKAL NA PAMAHALAAN SA PAGPIGIL SA PAGKALAT NG VIRUS. SILA RIN TINAYA ANG KANILANG KALIGTASAN AT KALUSUGAN PARA MATUTUKAN ANG PROBLEMA AT KALAMIDAD NG COVID.
IYAN ANG TUNAY NA SERBISYO PUBLIKO.
KAYA ANG PANUKALANG BATAS NA ITO, PAGKILALA SA KANILANG LINGKOD-BAYAN AT PAGTAMA SA MATAGAL NANG MGA KAKULANGAN.
AT SA PANUKALANG BATAS NA ITO, BINIBIGYAN NATIN SILA NG MAS MALINAW NA TUNGKULIN. MAS MAAYOS NA PAGSASANAY. SERTIPIKASYON. ISANG PAMBANSANG INFORMATION SYSTEM. REPRESENTASYON SA LOCAL HEALTH BOARDS. AT ISANG MALINAW NA LANDAS TUNGO SA MAS MAAYOS NA BENEPISYO, SEGURIDAD SA TRABAHO, AT PAGKAKATAONG MAPASAMA SA PLANTILLA.
ANG TAGAL-TAGAL NA NATING INAASAHAN ANG SIPAG, MALASAKIT, AT DEDIKASYON NG MGA BARANGAY HEALTH WORKER.
PANAHON NA PARA SUKLIAN NATIN SILA NG SAPAT NA PROTEKSYON, MAKATARUNGANG BENEPISYO, TULOY-TULOY NA PAGSASANAY, AT TUNAY NA PAGKILALA SA KANILANG NAPAKAHALAGANG PAPEL SA ATING MGA KOMUNIDAD.
KUNG SERYOSO TAYO SA PANGARAP NA MAGKAROON NG UNIVERSAL HEALTH CARE, DAPAT SERYOSO RIN TAYONG ALAGAAN ANG MGA TAONG ARAW-ARAW NA NAGSASAKATUPARAN NITO SA GRASSROOTS, SA MGA BARANGAY.
DAHIL ANG TUNAY NA SUKATAN NG ATING HEALTHCARE SYSTEM AY HINDI KUNG GAANO KAGANDA ANG ATING MGA POLISIYA, PROGRAMA, AT BATAS. ANG TUNAY NA SUKATAN AY KUNG NAAABOT BA ITO HANGGANG SA GRASSROOTS NG KARANIWANG KABABAYAN NATIN.
AT DITO, LAGING NAUUNA ANG ATING MGA BARANGAY HEALTH WORKER.
MARAPAT LAMANG NA UNAHIN NATIN SILA NGAYON. ##