MAGANDANG HAPON PO SA INYONG LAHAT. NGAYONG HAPON AY PAGSISIMULA NG MGA PAGDINIG NG KOMITE SA PAMAMAGITAN NG TALAKAYAN SA SENATE BILL 1215, O ANG INFRASTRUCTURE ANOMALIES INVESTIGATION ACT OF 2025.
AT NGAYON DAHIL SA BILYONG PISONG FLOOD CONTROL SCAM, MARAMI ANG SUMISIGAW SA KALYE, NASUSUKLAM SA MGA PALENGKE AT BUKID, NAMUMUHI SA BUS, JEEP, AT GRAB. AT SINASABING IKULONG NA YAN — MGA KURAKOT.
KAYA KASAMA ANG ATING INAANYAHANG RESOURCE PERSONS MULA SA DOJ, NBI, CHR, ICI, PRIVATE SECTOR ORGANIZATIONS, PAG-UUSAPAN NATIN NG SENATE BILL 1215 NA PANUKALA NINA SENATE PRESIDENT SOTTO AT SENATORS ERWIN TULFO AT HONTIVEROS.
NILALAYON NITO ANG MAGTATAG NG ISANG INDEPENDENT PEOPLE’S COMMISSION OR IPC, ISANG PERMANENTE AT NON-PARTISAN NA AHENSYA NG PAMAHALAAN NA NAKATUON LAMANG SA PAGSISIYASAT NG KATIWALIAN AT MGA ANOMALYA SA MGA PROYEKTO SA IMPRASTRAKTURA NG PAMAHALAAN.
KUNG MAY ISASABATAS ANG KOMISYONG ITO AY MAGIGING MAS MALAKAS AT MAS MALAYA KUMPARA SA KASALUKUYANG ICI SA ILALIM NG ISANG EXECUTIVE ORDER.
ANG SENATE BILL 1215 AY NAGBIBIGAY SA I.P.C. NG STATUTORY PERMANENCE, GANAP NA KALAYAAN, AT GARANTISADO ANG TRANSPARENCY AT FISCAL AUTONOMY.
ANG MGA KAPANGYARIHAN, ISTRUKTURA, AT PAGPOPONDO NG KOMISYON AY ILALAGAY SA BATAS. KAYA MAGIGING LIGTAS AT PROTEKTADO ANG PONDO, POLISIYA, AT PAGPAPATUPAD MULA SA MAARING PANGHIHIMASOK NG PULITIKA.
SAKLAW NG HURISDIKSYON NG I.P.C. ANG LAHAT NG PROYEKTONG PANG-INFRASTRUCTURE, NATIONAL O LOCAL MAN. SISIGURADUHIN ANG PANANAGUTAN SA MGA PROYEKTO, TULAD NG EDUKASYON, AGRIKULTURA, FLOOD CONTROL, DISASTER RESILIENCE, AT IBA PA.
(ANG) KOMPOSISYON NITO NA MAY LIMANG MIYEMBRO, NA MAGKAKASAMANG HIHIRANGIN NG KONGRESO AT NG HUDIKATURA. PARA TIYAK ANG KALAYAAN MULA SA EXECUTIVE.
ANG BAWAT PAGSISIYASAT AY DAPAT MAKUMPLETO SA LOOB LAMANG NG ANIMNAPUNG ARAW, AT ANG MGA NATUKLASAN AY MAISAPUBLIKO SA LOOB NG TATLUMPUNG ARAW. DAHIL ANG PAGKAANTALA NG KATOTOHANAN AY PAGKAIT NG HUSTISYA. TRUTH DELAYED IS JUSTICE DENIED.
BINABAGO NG SENATE BILL 1215 ANG ISANG PANSAMANTALANG AHENSYA NA PINAMUMUNUAN NG EXECUTIVE TUNGO SA ISANG INSTITUSYON NA PERMANENTE, INDEPENDIENTE, MAY PANANAGUTAN SA PUBLIKO.
DAHIL SA PAMAMAHALA, ANG IBIG SABIHIN NG PAGIGING BUKÁS O TRANSPARENT AY: GUMAGANA ANG KATARUNGAN. MERONG FUNCTIONAL JUSTICE.
HINIHILING NATIN SA PANGULO NA RIN NA I-CERTIFY AS URGENT ITONG PANUKALANG BATAS NA ITO.