MAGANDANG UMAGA.
SA PAGDINIG NATIN NGAYON, KASAMA SA TATALAKAYIN ANG MGA SUMUSUNOD: (1) ANG PHILIPPINE CIVIL REGISTRATION AND VITAL STATISTICS ACT; (2) ANG MODERNIZATION SA BUREAU OF IMMIGRATION; (3) ANG JOINT CONGRESSIONAL COMMISSION ON JUSTICE REFORM; AT (4) ANG ANTI-TICKET SCALPING ACT. ANG UNANG DALAWANG PANUKALANG BATAS AY KASAMA SA NAPAGKASUNDUANG PRIORITY MEASURES NG LEGISLATIVE-EXECUTIVE DEVELOPMENT ADVISORY COUNCIL O ANG “LEDAC.” APAT NA PAKSA NA NAKAPALOOB SA LABING-SIYAM NA PANUKALANG BATAS.
SA PHILIPPINE CIVIL REGISTRATION AND VITAL STATISTICS ACT, AAYUSIN NATIN ANG SISTEMA NG PAGKAKALAP AT PAGTATALA NG MGA BATAYANG DATOS TUNGKOL SA ATIN: BIRTH, DEATH, AT MARRIAGE.
ANG MATIBAY NA POLISIYA AY NAGSISIMULA SA MAPAGKAKATIWALAAN AT ACCURATE NA DATOS. NAKASALALAY SA TAMANG IMPORMASYON ANG PAGPAPLANO NG GOBYERNO, PAG-BUDGET, AT PAGHATID NG SERBISYO SA PUBLIKO. NAKATAYA RIN SA MAAYOS NA CIVIL REGISTRY SYSTEM ANG MGA PANGUNAHING KARAPATAN NG BATA — SA PANGALAN, PAGKAKAKILANLAN, AT KASAYSAYAN.
ANG BIRTH CERTIFICATE NAMANANG ISA SA MGA MABISANG PATUNAY NG PAGKAKAKILANLAN UPANG MAKAPAG-ARAL, MAKABOTO, MAKATANGGAP NG TULONG PINANSYAL MULA SA GOBYERNO, AT MAKAKUHA NG TRABAHO.
PAGKATAPOS NAMAN NG MAHIGIT WALUMPONG TAON MULA NG BATAS NA ATING TATALAKAYIN AT MGA PANUKALANG BATAS AY ANG IMMIGRATION ACT OF 1940—PANAHON NA UPANG I-ANGAT NATIN ANG BUREAU OF IMMIGRATION SA ANTAS NG IKA-DALAWAMPUNG-ISANG SIGLO.
HINDI NA SAPAT ANG ISANG PRE-WAR NA BALANGKAS PARA SA MGA HAMON NG MAKABAGONG PANAHON—MULA TRANSNATIONAL CRIME, HUMAN TRAFFICKING, HANGGANG DIGITAL FRAUD AT VISA ABUSE.
KAYA SA PAGTALAKAY NA ITO, LILINAWIN NATIN ANG DIREKSYON NG REPORMA.
NOONG PINAG-UUSAPAN NAMAN ANG 2026 NATIONAL BUDGET, NAKITA NATIN NA MAY MAHIGIT KALAHATING MILYONG KASO ANG NAKABINBIN SA LAHAT NG URI NG KORTE SA PILIPINAS. NAKITA NATIN ANG MGA KASO NA UMAABOT NG APATNAPUNG TAON – MGA KASONG NARERESOLBA SA SANDIGANBAYAN SA LOOB NG DALAWAMPU’T LIMANG TAON, HINDI PA KASAMA ANG APELA SA SUPREME COURT. NAKABINBIN SA LAHAT NG URI NG KORTE NG PILIPINAS MULA MUNICIPAL TRIAL COURT HANGGANG SUPREME COURT, (MAY) 659,051 PENDING CASES – HIWALAY PA ANG MGA KASONG NASA SANDIGAN.
KATUMBAS NITO ANG MARAMING BUHAY — BIKTIMA MAN, NASASAKDAL, KARANIWANG MAMAMAYANG UMAASA SA HATOL NG HUKUMAN — NA PARANG NAKAHINTO SA ORAS DAHIL SA SOBRANG BAGAL NG PAG GULONG NG HUSTISYA. KAYA NAMAN MALAKAS ANG LOOB NG MGA KRIMINALIDAD O MGA SINDIKATO DAHIL MATAGAL O DI KAYA’Y UMAABOT NG HABANG-BUHAY ANG MGA KASO.
KABILANG NITO ANG LABIMPITONG DETAINEES RIN NA KAUGNAY NG MALAWAKANG FLOOD CONTROL CASES, AT ANG MILYON-MILYONG PILIPINO NA BIKTIMA NG KATIWALIAN NA SUMISIGAW NG KATARUNGAN.
NILALAYON NG ATING PANUKALANG BATAS NA ISAAYOS ANG BUONG SISTEMA NG HUSTISYA – MULA SA IMBESTIGASYON HANGGANG SA PAGHATOL AT PAGPAPARUSA – SA PAMAMAGITAN NG ISANG JOINT CONGRESSIONAL COMMISSION ON JUSTICE REFORM.
AT PANGHULI NA PAKSA, NGAYON PA LANG, MAHIGIT ISANG TAON BAGO ANG PAGDATING NG B.T.S., AT DALAWANG BUWAN BAGO ANG CONCERT NG S.B. 19, NAGKAKANDARAPA ANG MGA ARMY AT MGA A’TIN [PRONOUNCED AS “EIGHTEEN”] SA PAGHAHANAP NG TICKET — NA SIYA NAMANG SINASAMANTALA NG MGA SCALPERS AT SCAMMERS AT KAMADANG SINDIKATO.
SA PAGDINIG NGAYONG ARAW, TITINDIG TAYO UPANG GAWING MAS MATIBAY AT LAGYAN NG NGIPIN ANG BATAS PARA SA CONSUMER RIGHTS, NANG SA GAYON AY MAPIGILAN ANG PANLOLOKO, MAPANAGOT ANG MGA NANANAMANTALA, AT MALAYANG MA-ENJOY NG MGA FANS AT CONSUMERS, AT ANG VIEWING PUBLIC, AT AUDIENCE ANG KANILANG MGA INIIDOLO.
WALANG KINIKILINGAN ANG HUSTISYA KUNDI ANG KATOTOHANAN — MULA HILAGA HANGGANG TIMOG NG PILIPINAS, KAYUMANGGI, BANYAGA, BIKTIMA NG KRIMEN, ARMY O EIGHTEEN – IKA NGA.
MAGANDANG UMAGA.