MAGANDANG UMAGA SA KANILANG LAHAT. MAS MAGANDA SANA KUNG NAPAAGA ANG PAG DATING NG DA DITO.
NOONG ABRIL 2025, SA DAGAT SA BOHOL, MAY ILANG MANGINGISDA NG BIEN UNIDO ANG NASAWI PAGKATAPOS BANGGAIN ANG KANILANG BANGKA NG SPEED BOAT NG BANTAY-DAGAT NG PITOGO, SA BOHOL DIN.
ANG SUMBONG SA ATIN NI GINOONG SAM BACULAO, ISA SA MGA SUPPORTERS NATIN NA TAGA-ROON.
NOONG UNA, HINUHULI, KINUKULONG, PINAGMUMULTA, AT PINAGPIPIYANSA SILA NG LIMANG LIBONG PISO KADA TAO. PINATUTUBOS DIN SILA NG FIFTEEN THOUSAND PESOS PARA SA KANILANG MGA BANGKA.
BAWAL DAW SILANG MAGHANAPBUHAY DOON.
SAMANTALA, SUMBONG NILA SA AKIN, NAKAKAKITA SILA NG MGA MALALAKING COMMERCIAL FISHING VESSELS “HINDI MAN LANG PINAKIKI-ALAMAN NG BFAR”.
ANG TANONG, SINO DAPAT ANG PINOPROTEKTAHAN NG BATAS?
SABI NI SAM SA SULAT NIYA SA AKIN, BINIGYAN ANG MGA KAMAG-ANAK NIYA NG INAHING BABOY NG BARANGAY. IYON NA LANG DAW ANG PAGKAKITAAN NILA.
‘IKA NILA, “PAANO NAMAN PO KAMI MABUBUHAY SA PANG-ARAW-ARAW HANGGA’T MABENTA ANG BABOY? WALA PO KAMING ALAM GAWIN NA HANAPBUHAY KUNDI MANGISDA. SANA PO AY MABIBIGYAN PO KAMING LINAW KUNG ANO PO TALAGA ANG GUIDELINES NG BFAR TUNGKOL SA PANGINGISDA.”
SA PAGDINIG NA ITO, GUSTO NATING ALAMIN ANG KWENTO NG MGA TULAD NG KAMAG-ANAKAN NI SAM, YUNG ATING MGA MALILIIT NA MANGINGISDA.
GUSTO NATING ALAMIN KUNG BAKIT, SA KABILA NG NAPAKALAWAK AT NAPAKA-SAGANANG YAMANG-DAGAT NATIN, SILA ANG KINAKAPOS AT NAGHIHIRAP?
KUNG BAKIT, SA KABILA NG KANILANG SIPAG AT TIYAGA NA BUMANGON, KUMAYOD, AT PUMALAOT, HALOS WALA SILANG MAIUWI SA PAMILYA?
SA PAGDINIG NA ITO, MARIRINIG SILA AT SUSUBUKAN NATING BIGYANG-SOLUSYON ANG KANILANG MGA HINAING.
KAYA SA SAMPUNG NAKAHAING PANUKALA, UUNAHIN NATIN ANG SENATE RESOLUTION NG INYONG LINGKOD AT ANG PANUKALA NI SENATOR LEGARDA PARA ALAMIN ANG KALAGAYAN NG MALILIIT NA MANGINGISDA NA KARANIWANG NAMAMA-LAKAYA SA LOOB NG LABINLIMANG-KILOMETRO NG MUNICIPAL WATERS.
SA UNANG ARAW NG KWARESMA, NAGAGALAK AKO NA NAKAKAPAMINGWIT NG MGA FISHERS OF MEN IKA NGA ANG ATING MGA KAPWA SENADOR — NA INIINTINDI ANG KAPAKANAN NG PINAKA-ABANG SEKTOR NA NAGPAPAKAIN SA ATIN.
TATALAKAYIN NATIN ANG MGA PANUKALA NINA SENATORS VILLANUEVA AT RAFFY TULFO, NA MINUMUNGKAHING BIGYAN NG S.S.S., PHILHEALTH, FUEL SUBSIDY, AT CALAMITY RELIEF ANG ATING MGA MANGINGISDA;
KAY SENATOR IMEE MARCOS, NA BIGYAN NG BAGONG TURING O DEFINITION ANG MUNICIPAL WATERS, AT PAGBIBIGAY PAHINTULOT SA ATING MGA FOREIGN FISHING COMPANIES SA ATING KARAGATAN;
SI SENATOR JINGGOY ESTRADA, NA BIGYAN NG HOUSING ANG ATING MGA MANGINGISDA; AT NG INSURANCE, PHILHEALTH, HAZARD AT SUBSISTENCE ALLOWANCE, AT LEGAL AID ANG ATING MGA BANTAY-DAGAT VOLUNTEERS;
AT SI SENATOR ALAN CAYETANO, NA TULAD KO AY GUSTONG BIGYAN NG ISANG BUONG DEPARTAMENTO SA PAMAHALAANG NASYONAL ANG MGA MANGINGISDA.
PAMINGGALAN AT KABANG-BAYAN NATING PILIPINO ANG ATING KARAGATAN.
PERO MGA 27.4% SA HALOS 2.3 MILYONG NATING MGA MANGINGISDA ANG HIKAHOS, ISA SA PINAKAMATAAS NA POVERTY INCIDENCE BATAY SA DATOS NOONG 2023.
SA KABILA NITO, NAGAGAWA PANG MAG-AMBAG NG 1.3 HANGGANG 1.5% ANG PANGINGISDA SA ATING GDP. KUNG SINO PA ANG NAGBIBIGAY SA ATIN NG PINAKAMURANG PROTINA SA PANG ARAW-ARAW NATING KINAKAIN SA HAPAG-KAINAN, HINDI NILA KAYANG PAKAININ ANG KANILANG MGA SARILI AT MGA MAHAL SA BUHAY NG MAAYOS.
NAG-AAMBAG DIN SILA NG MAHIGIT KALAHATI NG PROTINA NGA NG MGA HAPAG-KAINAN NG PAMILYANG PILIPINO. MORE THAN 50% OF OUR PROTEIN SOURCE COMES FROM FISHING AND OUR FISHERFOLK.
KAYA ANG PAGDINIG NA ITO AY PARA SA KANILA: ANG MGA MALIIT NA MANGINGISDA NA NAKIKIPAGSAGUPAAN SA MGA BAGYO AT NAGTATAASANG GASTOS, (AT) KRUDO. AT PAMINSAN-MINSAN, NAKIKIPAGPATINTERO PA SA MGA CHINESE COAST GUARD AT SARILING COMMERCIAL FISHING VESSELS.
MAGIGING MALAKAS BA ANG ATING MGA BATAS, ANG ATING MGA MONITORING SYSTEM, AT ANG ATING PULITIKA PARA PROTEKTAHAN ANG ATING MGA YAMAN DAGAT AT ANG MALILIIT NATING MANGINGISDA NA UMAASA SA KANILA — LALO NA SA KANLURANG BAHAGI NG PILIPINAS — PINAGMUMULAN NG IBINAHAGING KASAGANAAN, HINDI YUNG PAGPAPALALIM NG KAWALAN NG KATARUNGAN ANG DAPAT NATING BIGYANG PANSIN.
BUO ANG TALAKAYAN NATIN NGAYONG ARAW NA ITO TUNGKOL SA KAGYAT AT PANGMATAGALANG SOLUSYON ANG GAGAWIN NATIN NGAYONG UMAGA.
SA MGA TSINO, DAHIL CHINESE NEW YEAR, SIMBOLO NG KASAGANAAN ANG ISDA.PAGKATAPOS NG ATING PAGDINIG, NAWA’Y NASA DIREKSYON NA NG TUNAY NA KASAGANAAN ANG MARARANASAN NG HANAY NG MALILIIT NA MANGINGISDA AT NG ATING SEKTOR NG MANGINGISDA SA ATING BANSA. MULI MAGANDANG UMAGA SA ATING LAHAT. ####