MR. PRESIDENT, COLLEAGUES, LADIES AND GENTLEMEN, IT IS WITH PRIDE AND PLEASURE THAT I RISE BEFORE YOU TODAY TO SPONSOR SENATE RESOLUTION 128 AND GIVE TRIBUTE TO WORLD WAR II HERO AND MARTYR WENCESLAO Q. VINZONS.
OUR RESOLUTION SEEKS TO REMEMBER HIS BIRTH AND HIS LIFE.
KARANGALAN PARA SA AKIN ANG I-SPONSOR ANG SENATE RESOLUTION NA ITO, NA NAGLALAYONG GUNITAIN ANG IKA-115TH BIRTH ANNIVERSARY NI WENCESLAO “BINTAO” VINZONS. DAHIL SIYA ANG O.G. NA AKTIBISTA — AKTIBISTA BAGO PA ANG WORLD WAR II, ITINUTURING KO RIN SIYANG KAPATID HINDI LAMANG SA AMING KAPATIRAN NA UPSILON SIGMA PHI SA PAMANTASAN NG PILIPINAS KUNDI KAPATID RIN SA PAKIKIBAKA.
YESTERDAY, HIS HOMETOWN INDAN, NOW NAMED AFTER HIM, CELEBRATED THE HAPPY OCCASION.
TAGLAY NG KANYANG BAYAN ANG KANYANG PANGALAN AT ALAALA. ITONG RESOLUSYON AY PARA MULING IPAGDIWANG ANG DIWA NG KANYANG NAKAKABILIB NA BUHAY.
PAMBIHIRA SI BINTAO. O SA SALITA NG KABATAANG GEN Z, HE IS FIRE: VALEDICTORIAN NOONG HIGH SCHOOL, MAGALING NA DEBATER SA U.P. LAW, CHAMPION ORATOR, NUMBER 3 SA BAR EXAMS.
SA EDAD NA 22, SA KANYANG “MALAYSIA IRREDENTA,” NANAWAGAN SIYA SA LAHAT NG LAHING MALAY NA MAGKAISA LABAN SA REHIMENG KOLONYAL. GANYAN KALAWAK ANG KANYANG PANANAW.
TULAD NG NABANGGIT KO KANINA, NAAALALA SI BINTAO BILANG AMA NG AKTIBISMO NG MAG-AARAL. THE FATHER OF STUDENT ACTIVISM IN THE PHILIPPINES. DAHIL NOONG 1930’S, SINUBUKAN NG MGA MAMBABATAS NA ITAAS ANG SARILING MGA SUWELDO, AT NANGUNA SI BINTAO SA MGA ESTUDYANTENG LUMABAS SA MGA LANSANGAN PARA TUTULAN ITO.
SA PANAHONG MAS MADALI ANG TUMAHIMIK, NAGLAKAS-LOOB SIYANG MAGSALITA.
SA MGA PROTESTA NITONG MGA NAKARAANG ARAW TUNGKOL SA FLOOD CONTROL SCAM, PARANG BOSES NI BINTAO ANG ISINISIGAW NG MGA NAGPROTESTA NOONG ISANG LINGGO: HINDI PWEDENG MANAHIMIK. PAKIKIPAGSABWATAN ANG PANANAHIMIK.
SA SALITA NI BINTAO NOONG KINUKUMBINSI SIYA NG ASAWA NA H’WAG NANG LABANAN ANG MGA MANANAKOP NA HAPON, SABI NIYA: “IF I STAY SILENT, THEY WILL STILL COME. IF I KNEEL, OUR CHILDREN WILL GROW UP SLAVES. IT IS BETTER THEY REMEMBER THEIR FATHER STOOD, EVEN IF HE MUST FALL.”
SI WENCESLAO “BINTAO” VINZONS DIN ANG PINAKABATANG DELEGADO SA 1934 CONSTITUTIONAL CONVENTION. LATER, NAGING GOBERNADOR NG CAMARINES SUR AT NAGING ASSEMBLYMAN NG NASABING LALAWIGAN.
NANG DUMATING ANG IKALAWANG DIGMAANG PANDAIGDIG, PWEDE SANA SIYANG MANATILI SA MAYNILA, ANG SENTRO NG KAPANGYARIHAN.
SA HALIP, UMUWI SIYA SA BAYANG TINUBUAN PARA ORGANISAHIN ANG ISA SA MGA UNANG KILUSANG GERILYA SA LUZON. TINIPON NIYA ANG MGA KABABAYAN NIYANG MAGSASAKA NA MAY MGA BOLO, MGA ESTUDYANTENG MAY MGA PATPAT, MGA MANGINGISDANG MAY MGA LUMANG RIPLE AT BINUO ANG HALOS TATLONG LIBONG GERILYA FORCE SA KA-BIKULAN.
HINDI MGA SUNDALO. HINDI MALALAKAS NA ARMAS.
SA EHEMPLO NIYA, ITINURO NIYA NA LAKAS NG LOOB ANG PINAKAMALAKAS NA ARMAS.
AT DAHIL SA TAPANG NIYANG IYON, SIYA AY TINUGIS NG MGA HAPON, PINAGTAKSILAN, NAHULI. BINUGBOG, PINAHIRAPAN, INALOK NG GINHAWA KUNG IPAGKAKANULO ANG MGA KASAMA. PERO TUMANGGI SIYA.
NOONG HULYO 15, 1942, SA EDAD NA 31 ANYOS, BAGO SIYA BARILIN, SINABI PA NIYA: “HUWAG MATAKOT. MAMAMATAY TAYO PARA SA ATING BANSA. BALANG ARAW, MAGIGING MALAYA ANG ATING MGA ANAK.”
KAHAPONG VINZONS DAY, PINAPAALALA NG ARAW NA ITO AT NG BUHAY NI BINTAO, NA ANG AKTIBISMO AY PAGMAMAHAL SA BAYAN. NA ANG PAMUMUNO AY HINDI TUNGKOL SA KITA O PODER — KUNDI SAKRIPISYO AT SERBISYO. NA ANG KALAYAAN AT MABUTING PAMAMAHALA AY HINDI KAILANMAN IBINIBIGAY — LAGI ITONG IBINABAKA O IPINAGLALABAN.
MAAARING MAY MAGTANONG, ANO ANG KINALAMAN NG ISANG KABATAANG PILIPINO NA NABUHAY NOONG 1930’S AT 1940’S SA ATING MGA DIGITAL NATIVES NA KABATAAN NG BAGONG MILENYO?
ANG SAGOT KO: LAHAT. DAHIL SA PANAHONG PWEDE NANG MAGSULAT, MAGPASYA, O MANLINLANG ANG MAKINA (SOCIAL MEDIA), HIGIT KAILANMAN KAILANGAN NATIN ANG TAPANG, KONSENSYA, AT PAKIKIPAGKAPWA TAO.
HUWAG NATING IPAGKANULO ANG KANYANG ALAALA. TUMINDIG TAYO LABAN SA BAHA, HINDI LAMANG NG TUBIG KUNDI NG KATIWALIAN.
DALHIN NATIN ANG KANYANG TAPANG SA ATING MGA SILID-ARALAN, SA ATING MGA BARANGAY, SA ATING MGA TANGGAPAN, AT OO, (KAHIT) SA MGA BULWAGAN NG KONGRESO.
TUMINDIG SI WENCESLAO “BINTAO” VINZONS — KAPATID, GOBERNADOR, BAYANI — KAHIT KAMATAYAN ANG KABAYARAN NG KANYANG PAGTINDIG.
TUNAY SIYANG PALAGIANG SAGISAG NG PAG-ASA, NG KALAYAAN, NG TAPANG NG KABATAAN. TULAD NIYA, HARAPIN NATIN ANG HAMON NG KAHIRAPAN, DI-PAGKAPANTAY-PANTAY, AT KORAPSYON — NA SIYANG SUMISIRA SA ATING DEMOKRASYA,
NAWA’Y TAYO, SA ATING PANAHON, AY TUMINDIG DIN.
SA ATING ARAW-ARAW NA PAKIKIBAKA, MABUHAY ANG ALAALA NI WENCESLAO VINZONS. MABUHAY ANG PILIPINAS.