Kahit ano sasabihin ng testigo laban sa mga nakaupo sa takot na masaktan. Wala kaming ugnayan sa video at kay Bikoy. Kasinungalingan lahat ang mga paratang na yan. Gawa-gawa lang ng Administrasyon. Laging dinadamay ang LP sa mga ouster plot na gawa-gawa lang para pagtakpan ang mga palpak at kurakot sa Administrasyon. Hanggang ngayon wala pa rin mga drug lords at sindikato na nahuhuli o nakakukulong sa pagpuslit ng toneladang shabu sa BoC yan ang pinagtatakpan nila. Pekeng drug war. Yan ang dapat nilang habulin, hindi mga kritiko ng nakaupo o mga nasa oposisyon.

Kahit ang pagpatay kay Rizal aaminin ng testigo na yan sa takot sa maaring gawin ng Administrasyon sa kanya o sa mga mahal niya sa buhay.

Uulitin ko. Walang kinalaman ang LP sa Bikoy video. Kasinungalingan at gawa-gawa lamang ang mga paratang na ito.

Ano na naman kaya ang baho na tinatago ng Administrasyon kaya inilabas ang mga kasinungalingang ito?