MARAMING SALAMAT MR. PRESIDENT, DISTINGUISHED COLLEAGUES, I RISE TODAY TO SPONSOR AND CO-AUTHOR SENATE BILL NO. 1512, PRINCIPALLY INTRODUCED BY OUR SENATE PRESIDENT VICENTE SOTTO III, AND CO-AUTHORED BY SENATORS ERWIN TULFO AND RISA HONTIVEROS.
ANIM NA ARAW NA NG BAHAIN ANG CEBU AT MARAMING BAYAN SA ATING BANSA. DUMATING AT UMALIS NA ULIT ANG ISA PANG BAGYO: ANG UWAN. LIMAMPU’T DALAWANG ARAW NA NG MALAWAKANG PROTESTA LABAN SA FLOOD CONTROL SCAM NOONG SEPTEMBER 21. PATULOY NA NAKA ABANG ANG ATING MGA KABABAYAN SA MAGIGING KAHIHINATNAN NG PINAKA MALAKING CORRUPTION SCANDAL SA KASAYSAYAN NG ATING REPUBLIKA.
HINDI LANG NILULUNOD NG POOT ANG TAUMBAYAN. LITERAL NA INANOD DIN ANG KANILANG MGA BAHAY AT BUHAY. INAANOD NA RIN ANG BATAYANG TIWALA NG KARANIWANG MAMAMAYAN SA PAMAHALAANG MAY SINUMPAANG TUNGKULIN NA PANGALAGAAN ANG KANILANG INTERES.
HINDI LANG HAGUPIT NG KALIKASAN ANG DAHILAN NG ILANG DAANG PAGKAMATAY AT PAGKAWALA SA IBA’T IBANG SULOK NG BANSA. HINDI LANG ITO NATURAL DISASTER – MAN-MADE DISASTER DIN ITO. MALAKING DAHILAN NG MAN-MADE DISASTER NA ITO AY ANG MASSIVE SYSTEMIC CORRUPTION. SYSTEMIC, NA PARANG KUMALAT NA SA LAHAT NG BAHAGI NG LIPUNAN. MASSIVE, DAHIL SINLAWAK NG BAHANG DINULOT NITO ANG KORAPSYON. BAGYONG UWAN, HALOS BUONG PILIPINAS ANG KANYANG NAGING SAKLAW. GANITO RIN ITONG FLOOD CONTROL SCANDAL.
SA MARAMING BAHAGI NG MUNDO, KITA NATIN KUNG PAANONG NILALAGAY NA SA SARILING KAMAY NG MGA GEN Z AT KARANIWANG MAMAMAYAN ANG PAGPAPANAGOT SA MGA MAY TUNGKULING NASA KATUNGKULAN.[1] SA PAGPAPATUPAD NG KATARUNGAN. SA NEPAL, SA INDONESIA, SA PERU,[2] LITERAL NA NAGHIMAGSIK ANG MGA KABATAAN AT NILANTAD ANG KORAPSYON NA SUMISIRA SA KANILANG MGA BUHAY.
ITO ANG KONTEKSTO NG ATING PANUKALANG BATAS NA PALAKASIN ANG INDEPENDENT COMMISSION ON INFRASTRUCTURE, NA BINUO NG EXECUTIVE ORDER 94.[3] SA PAMAMAGITAN NITONG COMMITTEE REPORT.
KAILANGAN NATIN NG PROSESO NA “PUBLIC, PROMPT, NECESSARY, THE MINIMUM POSSIBLE UNDER THE GIVEN CIRCUMSTANCES, PROPORTIONATE TO THE CRIMES, AND ESTABLISHED BY LAW.”
ANG PAGIGING MAAGAP NA PARUSA — HINDI ANG KALUBHAAN — ANG TANDA NG HUSTISYA.[4]
O SA PANAHON PA NATIN NGAYON, KAILANGAN SMART AND SOLUTION SPECIFIC, MEASURABLE, ACHIEVABLE, REALISTIC OR RELEVANT, AT SYEMPRE TIME-BOUND.[5]
KAYA NAMAN MINARAPAT NG INYONG SENATE COMMITTEE ON JUSTICE NA ITAGUYOD ANG ISANG TUNAY NA INDEPENDENT, TECHNICALLY CAPABLE, AT EMPOWERED PEOPLE’S COMMISSION PARA IMBESTIGAHAN ANG MGA ANOMALYA SA LAHAT NG GOVERNMENT INFRASTRUCTURE PROJECTS.
UNPRECEDENTED ANG KURAKOT. UNPRECEDENTED ANG BUNGA NG KRIMEN. KAILANGAN UNPRECEDENTED DIN ANG PAG PAPANAGOT.
KAYA BINIGYAN NG PANUKALANG BATAS NA ITO NG KAPANGYARIHAN ANG INDEPENDENT KOMISYON PARA MAG-SUBPOENA, MAG-USIG, MAG-SUSPENDE, MAG-FREEZE NG ASSETS, AT SUNDAN ANG PERA SAAN MAN ITO NANDOON. ‘IKA NGA, FOLLOW THE MONEY. THE PROPOSED MEASURE EXPANDS THE POWERS OF ICI TO INCLUDE THE POWERS OF CONTEMPT, TO CITE INDIVIDUALS AND ENTITIES FOR CONTEMPT, THE POWER TO CANCEL PROFESSIONAL LICENSES OF THE PRC, THE POWER TO GRANT WITNESS IMMUNITY AND PROTECTION, THE POWER TO ISSUE LOOK OUT ORDERS AND RECOMMEND HDO TO PROPER AUTHORITIES, THE POWER TO SUSPEND AND BLACKLIST CONTRACTORS AND REMOVE THEM PHILGEPS, THE POWER TO RECOMMEND TO THE PRESIDENT POLICY MEASURES, THE POWER TO TEMPORARILY ISSUE CLOSURE ORDERS, THE POWER TO TEMPORARILY SEQUESTER ASSETS, THE POWER TO DEPUTIZE THE NBI, THE PNP, THE CIDG, AND OTHER LAW ENFORCEMENT AGENCIES IN THE CONDUCT OF ITS INVESTIGATION.
DULOT NA RIN NG PANGALAN NITO, MAGSISILBING PEOPLE’S WATCHDOG ANG KOMISYON.
MAGKAKAROON ITO NG FISCAL INDEPENDENCE AT TUNAY NA PROTEKSYON PARA SA MGA KAKANTANG WHISTLEBLOWERS, PARA SA MGA CITIZEN MONITORS.
PAPAGANAHIN NITO ANG KARANIWANG BOSES PARA SA TUNAY NA PAG PAPANAGOT SA KURAKOT.[6]
BAGAMAT SUKLAM NA SUKLAM TAYO, KAILANGAN PA RIN NG DUE PROCESS. ANG KATARUNGAN AY HINDI KASANGKAPAN NG PAGHIHIGANTI.
KAILANGANG PUBLIC ANG MGA PANDINIG, PATAS AT WALANG PINAPANIGAN ANG IMBESTIGASYON, AT ANG BUNGA AY NAKABATAY SA KATOTOHANAN AT SA BATAS.
PASANIN NATIN ITO SA BAWAT PILIPINONG UMAKYAT SA KANILANG BUBONG, NAGDADASAL PARA SA KANILANG KALIGTASAN. PASANIN NATIN SA BAWAT MAGULANG NA NAWALAN NG ANAK SA SAKUNANG PWEDE NAMANG MAIWASAN. TUNGKULIN NATIN ITO SA LAHAT NG HUMIHINGI NG KATARUNGAN, NG PANANAGUTAN, AT NG PAGBABAGO.
ANG PAGPASA SA PANUKALANG BATAS NA ITO AY SIMULA PA LAMANG. DAPAT NATING TANDAAN NA ANG MGA BATAS AT KOMISYON, HABANG MAKAPANGYARIHAN SA PAPEL, AY HUMUHUGOT NG KANILANG TUNAY NA LAKAS MULA SA ISANG NAKATUON (AT) MAPAGBANTAY NA MAMAMAYAN.
ANG PINAKADAKILANG KAALYADO NG HUSTISYA AY ANG MGA TAONG AYAW TUMANGGAP NG IMPUNITY. NA PATULOY NA NAGBABANTAY, NAGTATANONG, AT NAGPAPANAGOT SA MGA TAGAPAG-ALAGA NG KAPANGYARIHAN.
IPASA NA NATIN ANG PANUKALANG BATAS NA ITO, HINDI BILANG ISA PANG HUNGKAG NA KILOS, KUNDI BILANG ISANG BAGONG TIPAN. SA PAGKAKAISA NG ATING (MGA) TINIG, HINDI NATITINAG ANG ATING AT PAGTUTOL SA KATIWALIAN, AT HINDI NATITINAG ANG ATING PAGBABANTAY. ITAYO AT ITAGUYOD NATIN ANG ISANG PAMAHALAAN NA TUNAY NA MAPAGKAKATIWALAAN NG SAMBAYANANG PILIPINO.
FOR THESE REASONS, MR. PRESIDENT, DISTINGUISHED COLLEAGUES, I WHOLEHEARTEDLY SPONSOR SENATE BILL NO. 1512 AND URGE ITS IMMEDIATE APPROVAL. MARAMING SALAMAT. ##
WORD COUNT: 817
[1] https://www.bbc.com/news/articles/cn4ljv39em7o
[2] https://edition.cnn.com/2025/10/04/world/gen-z-protest-movement-explainer-intl
[3] https://newsinfo.inquirer.net/2138276/ici-to-still-issue-referrals-to-ombudsman-vs-flood-control-personalities-regardless-of-their-whereabouts
[4] https://msuniv.ac.in/images/distance%20education/learning%20materials/ug%20pg%202023/pg%202021/macriminology/scpm11_i_sem_principles_of_criminology_criminal_justice_administration.pdf
[5] https://cerkl.com/blog/smart-goals-for-communication/[6] IPC COMMITTEE REPORT